നാളെ ഉത്രാട ദിനത്തോടനുബന്ധിച്ച് ഗുരുവായൂരപ്പന് മുന്നില് തിരുമുല്ക്കാഴ്ചയായി ഭക്തരുടെ ഉത്രാട കാഴ്ചക്കുല സമര്പ്പണം....
നാളെ ഉത്രാട ദിനത്തോടനുബന്ധിച്ച് ഗുരുവായൂരപ്പന് മുന്നില് തിരുമുല്ക്കാഴ്ചയായി ഭക്തരുടെ ഉത്രാട കാഴ്ചക്കുല സമര്പ്പണം. ഹരിനാമ കീര്ത്തനങ്ങളാല് ഭക്തിസാന്ദ്രമായാണ് സമര്പ്പണം നടക്കുക.
ഉത്രാടദിനത്തില് ക്ഷേത്രത്തിന്റെ അകത്തളത്തിലാകും കാഴ്ചക്കുല സമര്പ്പണം നടക്കുക. രാവിലെ ശീവേലിക്ക് ശേഷം സ്വര്ണ കൊടിമരച്ചുവട്ടില് അരിമാവണിഞ്ഞ തറയില് നാക്കിലയും നെയ്വിളക്കും വെക്കും. ശേഷം ഗണപതി ഭഗവാന് നാളികേരം വെച്ച് മാരാരുടെ ശംഖധ്വനിക്കിടെ ക്ഷേത്രം മേല്ശാന്തി തോട്ടം ശിവകരന് നമ്പൂതിരി ഭഗവാന് മുന്നില് ആദ്യ കാഴ്ചക്കുല സമര്പ്പിക്കുന്നതിന് പിന്നാലെ ക്ഷേത്രം ഊരാളന് മല്ലിശ്ശേരി പരമേശ്വരന് നമ്പൂതിരിപ്പാട്, ദേവസ്വം ചെയര്മാന് ഡോ. വികെ വിജയന്, ഭരണസമിതി അംഗങ്ങള്, ഭക്തര് എന്നിവര് ഭഗവാന് തിരുമുല്ക്കാഴ്ച്ച സമര്പ്പിക്കും.
മറ്റൊരു ക്ഷേത്രത്തിലും കാണാന് സാധിക്കാത്ത കാഴ്ചയാണ് കാഴ്ച്ചക്കുല സമര്പ്പണം. അത്താഴ പൂജ കഴിഞ്ഞ് നട അടയ്ക്കുന്നത് വരെയും കാഴച്ചക്കുല സമര്പ്പണം തുടരുകയും ചെയ്യും. ദേവസ്വം ഭൂമി പാട്ടത്തിനെടുത്തവരായിരുന്നു പണ്ട് കാഴ്ചക്കുലകള് സമര്പ്പിച്ചിരുന്നത്. ഇതിനാല് തന്നെ ആദ്യ കാലങ്ങളില് ഇവ പാട്ടക്കുലകള് എന്നായിരുന്നു അറിയപ്പെട്ടിരുന്നത്. പിന്നീട് ഇത് ഭക്തരുടെ കാഴ്ച്ചക്കുല സമര്പ്പണമായി മാറുകയായിരുന്നു. ഇതില് നിന്നും ലഭിക്കുന്ന പഴക്കുലകളില് ഒരു ഭാഗം ആനകള്ക്കും മറ്റൊരു ഭാഗം ഭക്തര്ക്ക് നല്കുന്ന തിരുവോണ സദ്യക്ക് പഴപ്രഥമനായും നീക്കിവെക്കുകയും ചെയ്യും.
https://www.facebook.com/Malayalivartha
