ഇന്നും മഴ തുടരും... നെയ്യാറിലും കരമനയാറ്റിലും ജലനിരപ്പ് ഉയര്ന്ന നിലയില്.... തിരുവനന്തപുരം ജില്ലയില് പ്രൊഫഷണല് കോളേജ്, കേന്ദ്രീയ വിദ്യാലയങ്ങള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി...കോട്ടയത്ത് നിയന്ത്രിത അവധി , കൂടുതല് മഴയ്ക്ക് സാധ്യത തെക്കന് കേരളത്തില്
ഇന്നും മഴ തുടരും... നെയ്യാറിലും കരമനയാറ്റിലും ജലനിരപ്പ് ഉയര്ന്ന നിലയില്.... തിരുവനന്തപുരം ജില്ലയില് പ്രൊഫഷണല് കോളേജ്, കേന്ദ്രീയ വിദ്യാലയങ്ങള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി...കോട്ടയത്ത് നിയന്ത്രിത അവധി , കൂടുതല് മഴയ്ക്ക് സാധ്യത തെക്കന് കേരളത്തില്.
കോട്ടയം ജില്ലയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന സ്കൂളുകള്ക്കും വെള്ളപ്പൊക്ക ബാധിത പ്രദേശങ്ങളില് സ്ഥിതി ചെയ്യുന്ന കോട്ടയം നഗരസഭയിലെ സെന്റ് ജോണ്സ് യു.പി സ്കൂള്, ഗവണ്മെന്റ് യുപി സ്കൂള് കല്ലുപുരയ്ക്കല്, ഗവണ്മെന്റ് എല് പി സ്കൂള് കരുനാക്കല്, തിരുവാര്പ്പ് പഞ്ചായത്തിലെ സെന്റ്മേരിസ് എല് പി സ്കൂള്, തിരുവാര്പ്പ് എസ്എന്ഡിപി ഹയര് സെക്കന്ഡറി സ്കൂള് കിളിരൂര് എന്നീ സ്കൂളുകള്ക്കും ഇന്ന് അവധി പ്രഖ്യാപിച്ച് ഉത്തരവായി.
അതേസമയം, തിരുവനന്തപുരം ജില്ലയില് പ്രൊഫഷണല് കോളേജ്, കേന്ദ്രീയ വിദ്യാലയങ്ങള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ (ഒക്ടോബര് നാല് ) ജില്ലാ കളക്ടര് ജെറോമിക് ജോര്ജ് അവധി പ്രഖ്യാപിച്ചു.
ജില്ലയില് ശക്തമായ മഴ തുടരുന്ന സാഹചര്യത്തിലും കേന്ദ്ര കാലാവസ്ഥാ നിരീക്ഷണ കേന്ദ്രവും കേരള സംസ്ഥാന ദുരന്തനിവാരണ അതോറിറ്റിയും ഇന്ന് ഓറഞ്ച് അലര്ട്ട് പ്രഖ്യാപിച്ച സാഹചര്യത്തിലുമാണ് അവധി. കനത്ത മഴയെ തുടരുന്നതിനാല് പിഎസ് സി പരീക്ഷകള് മാറ്റി. തിരുവനന്തപുരം ജില്ലയില് നാളെയും മറ്റന്നാളും നടക്കേണ്ട ജെയില് വകുപ്പ് അസിസ്റ്റന്റ് പ്രിസണ് ഓഫീസര് തസ്തികയിലേക്കുള്ള കായികക്ഷമതാ പരീക്ഷ മാറ്റി. പുതുക്കിയ തിയ്യതി പിന്നീട് അറിയിക്കും.
"
https://www.facebook.com/Malayalivartha
