വിദേശത്ത് ജോലി വാഗ്ദാനം ചെയ്ത് 5.59 ലക്ഷം രൂപ തട്ടിയ കേസ് .... ജാമ്യവ്യവസ്ഥ ലംഘിച്ചതിനാല് ഒന്നാം പ്രതിയുടെ ജാമ്യം റദ്ദാക്കണമെന്ന് സിറ്റി. സൈബര് പോലീസ് ഹര്ജി, ഹര്ജിയില് ആക്ഷേപമുണ്ടെങ്കില് 3 ദിവസത്തിനകം ഹാജരാക്കാന് കോടതി ഉത്തരവ്
വിദേശത്ത് ജോലി വാഗ്ദാനം ചെയ്ത് 5.59 ലക്ഷം രൂപ തട്ടിയ കേസില് ഉപാധികളോടെ കോടതി അനുവദിച്ച ജാമ്യ ഉത്തരവിലെ ജാമ്യ വ്യവസ്ഥ ലംഘിച്ചതിനാല് ഒന്നാം പ്രതിയുടെ ജാമ്യം റദ്ദാക്കണമെന്ന് സിറ്റി സൈബര് പോലീസ് കോടതിയില് ഹര്ജി സമര്പ്പിച്ചു. തിരുവനന്തപുരം അഡീ.ചീഫ് ജുഡീഷ്യല് മജിസ്ട്രേട്ട് കോടതിയിലാണ് സിറ്റി സൈബര് ക്രൈം പോലീസ് സര്ക്കിള് ഇന്സ്പെക്ടര് ജാമ്യം റദ്ദാക്കല് ഹര്ജി സമര്പ്പിച്ചത്.
ഒന്നാം പ്രതി ശ്രീരാഗ് കമലാസനന്റെ ജാമ്യം റദ്ദാക്കി ജയിലിലടക്കണമെന്നാണ് പോലീസ് ഹര്ജിയിലെ ആവശ്യം. ഹര്ജിയില് ആക്ഷേപമുണ്ടെങ്കില് 3 ദിവസത്തിനകം ഹാജരാക്കാന് എസിജെഎം എല്സാ കാതറിന് ജോര്ജ് പ്രതിയോട് ഉത്തരവിട്ടു.
പോലീസ് കുറ്റപത്രം സമര്പ്പിക്കും വരെ ആഴ്ചയില് ഒരിക്കല് വീതം എല്ലാ ആഴ്ചയും അന്വേഷണ ഉദ്യോഗസ്ഥന് മുമ്പാകെ ഹാജരായി ഒപ്പിടണമെന്ന കോടതിയുടെ ജാമ്യവ്യവസ്ഥ 3 ആഴ്ച പ്രതി ലംഘിച്ചുവെന്നാണ് പോലീസ് ഹര്ജി. ഡല്ഹി ദ്വാരകയില് താമസിക്കുന്ന പുളിങ്കുന്നം കൊച്ചുപാലത്തിങ്കല്ച്ചിറയില് ശ്രീരാഗ് കമലാസനന് (34), ആലുവ മുരിക്കാശ്ശേരി വെള്ളക്കുന്നേല് നിവാസി ലിയോ. വി.ജോര്ജ് , തൃശൂര് മുല്ലശ്ശേരി പൊറ്റക്കാട്ടില് സതീഷ് കുമാര് (42), ജെയ്ന് വിശ്വംഭരന് , ആഷിഖ് എന്നിവരാണ് 1 മുതല് 5 വരെയുള്ള പ്രതികള്. 2023 ഏപ്രില് 27 നാണ് പ്രതികള് അറസ്റ്റിലായത്.
ജോലി തരപ്പെടുത്തി നല്കണമെന്ന ഉദ്ദേശ്യമില്ലാതെയും പണം തിര്യെ കൊടുക്കണമെന്ന ഉദ്ദേശ്യമില്ലാതെയും ചതിക്കണമെന്ന കുറ്റകരമായ ഉദ്ദേശ്യത്തോടെ പരാതിക്കാരനുമായി ഫോണിലൂടെ ബന്ധപ്പെട്ട് വിശ്വാസം നേടിയ ശേഷം കാനഡയില് ജോലി ശരിയാക്കിത്തരാമെന്ന് നേരുകേടായും വഞ്ചനാപരമായും പറഞ്ഞ് വിശ്വസിപ്പിച്ച് യുവാവിനെ വഞ്ചനാപരമായി പ്രേരിപ്പിച്ച് അപ്രകാരം ശേഷം കബളിപ്പിക്കപ്പെട്ട യുവാവില് നിന്ന് 5,59,563 രൂപ നാലു പ്രതികളുടെയും ബാങ്ക് അക്കൗണ്ടുകളിലേക്ക് പലപ്രാവശ്യമായി പണം കൈമാറിയെടുത്ത ശേഷം പണം വഞ്ചനാപരമായി ദുര്വിനിയോഗം ചെയ്യുകയും പ്രതികളുടെ സ്വന്തം ആവശ്യങ്ങള്ക്കായി മാറ്റുകയും വാഗ്ദാനം ചെയ്ത ജോലി നല്കുകയോ വഞ്ചനയിലൂടെ സ്വരൂപിച്ച പണം തിര്യെ കൊടുക്കുകയോ ചെയ്യാതെ ചതിച്ചുവെന്നാണ് കേസ്.
പ്രതികളില് ശ്രീരാഗ് , ലിയോ.വി. ജോര്ജ് സതീഷ് കുമാര് എന്നിവരെ ആലുവ സൈബര് പൊലീസ് 2023 ഫെബ്രുവരിയില് അറസ്റ്റ് ചെയ്തിരുന്നു.
ലിയോയുടെ തൃശൂരിലെ വീട്ടില് സൈബര് പൊലീസ് നടത്തിയ പരിശോധനയില് 2000 രൂപയുടെ 19 കള്ളനോട്ട് പിടികൂടിയിരുന്നു. ഇതിന്റെ അന്വേഷണവും നടന്നുവരികയാണ്. തൃശൂര് ജില്ല പൊലീസ് മേധാവി വിവേക് കുമാറിന്റെ നിര്ദേശാനുസരണം രൂപവത്കരിച്ച അന്വേഷണ സംഘത്തില് ആലുവ പോലീസ് സര്ക്കിള് ഇന്സ്പെക്ടര് എം.ബി. ലത്തീഫ്, എസ്.സി.പി.ഒ ഐനീഷ്, സി.പി.ഒമാരായ ഷിറാസ് അമീന്, ജെറി എന്നിവരാണുള്ളത്.
https://www.facebook.com/Malayalivartha
