വടക്കെന്റെ പ്രാണന്‍ പോയതില്‍ വടക്കെന്റെ പ്രാണന്‍ പോയെന്ന് ദേശാഭിമാനി. ചോദിക്കാന്‍ ചെന്ന മുഖ്യന് പുറംപൊളിയുന്ന അടി. ദേശാഭിമാനിയുടെ വാക്കും കേട്ട് പോസ്റ്റിട്ട പിണറായിക്ക് അടിയോട് അടി. പോസ്റ്റിട്ട് അടി ഇരന്നുവാങ്ങാന്‍ കഴിയുമോ സക്കീര്‍ ഭായിക്ക് ബട്ട് മുഖ്യന്‍ ക്യാന്‍. വടക്കോട്ട് നോക്കി കഴിഞ്ഞദിവസം മുതല്‍ ഓരിയിടുകയാണ് ദേശാഭിമാനിയും കൈരളിയും. ഇതുകമ്ട് ഓരിയിടാന്‍ ചെന്ന പിണറായി ചെന്നുപെട്ടത് മലയാളിയുടെ വായിലേക്കാണ്. അവര് വിടുമോ ഇല്ല വാരിപ്പെറുക്കി നിലത്തടിച്ചിട്ടുണ്ട്. ആ കിടിലന്‍ പോസ്റ്റ് ഇങ്ങനെ.

മുഖ്യധാരാ മാധ്യമങ്ങള്‍ അവഗണിച്ചുപോന്ന വിഷയങ്ങള്‍ രാജ്യശ്രദ്ധയിലേക്ക് കൊണ്ടുവരുന്ന ബദല്‍ മാധ്യമങ്ങളെ അടിച്ചമര്‍ത്താനുള്ള ശ്രമങ്ങള്‍ പ്രതിഷേധാര്‍ഹമാണ്. അത്തരം ശ്രമങ്ങളുടെ ഭാഗമായാണ് ഓണ്‍ലൈന്‍ വാര്‍ത്താ പോര്‍ട്ടലായ 'ന്യൂസ് ക്ലിക്കി'നുനേരെയുള്ള പൊലീസ് നടപടി എന്ന വിമര്‍ശനം ഗൗരവത്തോടെ എടുക്കേണ്ടതുണ്ട്. ന്യൂസ് ക്ലിക്കിനെതിരായ ഡെല്‍ഹി പൊലീസിന്റെ നടപടി പുന:പരിശോധിക്കണം. എതിര്‍ ശബ്ദങ്ങളെ അടിച്ചമര്‍ത്തുന്നത് ഫാസിസ്റ്റ് രീതിയാണ്. മാധ്യമങ്ങള്‍ക്ക് നിര്‍ഭയമായും സ്വതന്ത്രമായും സത്യസന്ധമായും വാര്‍ത്താ ശേഖരണവും പ്രകാശനവും നടത്താനുള്ള സ്വാതന്ത്ര്യം രാജ്യത്തുണ്ട്. അതുറപ്പുവരുത്താനുള്ള നടപടികളാണ് കേന്ദ്ര സര്‍ക്കാരിന്റെ ഭാഗത്ത് നിന്നും ഉണ്ടാവേണ്ടത്. ഇത്രമാത്രമേ മുഖ്യമന്ത്രി പോസ്റ്റ് ഇട്ടിട്ടുള്ളു. ബാക്കി മലയാളി കേറിയങ്ങ് മേഞ്ഞു. ഏഷ്യാനെറ്റിന് നേരെ കേസ്, വിനു വി ജോണിന് നേരെ കേസ്,മാതൃഭൂമിക്കെതിരെ കേസ്, ഓണ്‍ലൈന്‍ മാധ്യമങ്ങള്‍ക്കെതിരെ കേസ് വിമര്‍ശിക്കുന്നവര്‍ക്കെല്ലാമെതിരെ കേസ് എന്നിട്ടും ഇത് പറയാന്‍ കാണിച്ച ആ മസ് അത് ആരും കാണാതെ പോകരുത്.

ഒരു പാര്‍ട്ടി സെക്രട്ടറി ഉള്ളത് വാര്‍ത്താ സമ്മേളനം വിളിച്ച്കൂട്ടി പറഞ്ഞത് സര്‍ക്കാരിനെതിരെയും എസ്എഫ്‌ഐക്കെതിരെയും വാര്‍ത്ത കൊടുത്താല്‍ കേസെടുക്കും. കേസെടുത്ത് അകത്താക്കും അങ്ങനെ അകത്താക്കിയ ചരിത്രം ഉണ്ട്. അതെ നിങ്ങല്‍ കള്ളക്കേസ് കൊടുത്ത് അകത്താക്കിയ ചരിത്രം കുറച്ചുണ്ട്. അതൊക്കെ നാട്ടില്‍പ്പാട്ടാണ്. സത്യത്തില്‍ നിങ്ങളുടെ അണികളെ ഓര്‍ത്ത് സഹതാപം മാത്രമേ ഉള്ളു വെളുപ്പിക്കേണ്ട ഉത്തരവാദിത്വം അവര്‍ക്കാണല്ലോ. കുറച്ച് വിജയ തൊലി കിട്ടിയാല്‍ സൈനികര്‍ക്ക് ബുള്ളറ്റ് പ്രൂഫ് ജാക്കറ്റ് ഉണ്ടാക്കാം. സഖാവിന്റെ ഈ പോസ്റ്റ് കണ്ട് മാധ്യമങ്ങള്‍ ചിരിക്കുകയാണ്. ചെസ്റ്റ് നമ്പറിട്ട് മാധ്യമങ്ങളെ നിരത്തി നിര്‍ത്തിയത് പിന്നെ ബണ്ണ് കടി മത്സരത്തിനായിരുന്നോ പിണറായി സഖാവേ. പോസ്റ്റിലെ ആ പ്രയോഗങ്ങളാണ് കോമഡി മുഖ്യധാരാ മാധ്യമങ്ങള്‍ അവഗണിച്ചുപോന്ന വിഷയങ്ങള്‍ രാജ്യശ്രദ്ധയിലേക്ക് കൊണ്ടുവരുന്ന ബദല്‍ മാധ്യമങ്ങളെ അടിച്ചൊതുക്കുന്നുവെന്ന്. അതായത് ഓണ്‍ലൈന്‍ മാധ്യമങ്ങളെ അതുതന്നെയല്ലെ നിങ്ങളും ചെയ്യുന്നത്. മാധ്യമങ്ങളെ അടിച്ചൊതുക്കുന്നത് ഫാസിസ്റ്റ് രീതിയാണ് ഹോ ആരാ ഇതൊക്കെ പറയുന്നത്.

ചതിച്ചതാണ് മുഖ്യമന്ത്രിയെ ചതിച്ചതാണ് ദേശാഭിമാനി ചതിച്ചതാണ്. വടക്കോട്ട് നോക്കി മെഴുകി മുഖ്യനെ കോള്‍മയിര്‍ കൊള്ളിച്ചത് ദേശാഭിമാനിയാണ്. ദേശാഭിമാനിയില്‍ ഫ്രണ്ട് പേജില്‍ വന്ന ലേഖനം കണ്ട് അതില്‍ ആവേശം കൊണ്ടാണ് മുഖ്യമന്ത്രി പോസ്റ്റിട്ടത്. സ്വാതന്ത്ര്യത്തിന് കൈവിലങ്ങ്. മിണ്ടരുത് നാവരിയും. ന്യൂസ് ക്ലിക്ക് ചാനലിനെതിരെ യുഎംപിഎ ചുമത്തി കേസെടുത്തതിനാണ് ദേശാഭിമാനിയുടെ മെഴുകല്‍. ദേശാഭിമാനിയും കൈരളിയും അല്ലെങ്കിലും വടക്കോട്ട് നോക്കിയേ നിലവിളിക്കൂ. വടക്ക് മാധ്യമസ്വാതന്ത്യം ഹനിക്കപ്പെട്ടാല്‍ ദേശാഭിമാനിയുടെ തൂലികയ്ക്ക് കലികൊണ്ട് പിന്നെ വിറയലാണ്. പിന്നെ എഴുതി തൊലപ്പിച്ച് കളയും. പക്ഷെ കേരളത്തില്‍ മാധ്യമ സ്വാതന്ത്ര്യം ഭരണകൂടത്തിന്‍രെ ചൂണ്ടുവിരലില്‍ നില്‍ക്കുമ്പോള്‍ ആ തൂലികയുടെ മുനയങ്ങ് ഒടിയും. പിന്നെ ഫ്രണ്ട് പേജിലെ വാര്‍ത്ത തുര്‍ക്കിയില്‍ ഭൂകമ്പം, ചെല്ലപ്പന്‍ ചേട്ടന്റെ ചായക്കടയിലെ പരിപ്പുവട നല്ല മൊരിഞ്ഞതാണ് ഇതൊക്കെയാണ്. തെക്കോട്ട് നമ്മുടെ ജോലി സര്‍ക്കാരിനെ വെളുപ്പിക്കുക എന്നത് മാത്രമാണ്. അത് വെടിപ്പായി ചെയ്യുന്നുണ്ട്. വല്ല കമ്പിപ്പാരയും എടുത്ത് കക്കാന്‍ പൊയ്ക്കൂടെ ദേശാഭിമാനി.