കേരളത്തില് വാ തുറക്കില്ല പക്ഷെ ഡല്ഹിയില് തുറന്നു;യെച്ചൂരിയെ തൊട്ട കേന്ദ്ര സര്ക്കാരിനോട് കലിപ്പിച്ച് പിണറായി,മാധ്യമങ്ങളെ വേട്ടയാടുന്നുവെന്ന് പൊട്ടിത്തെറിക്കുന്നു,ആരാ ഇതൊക്കെ പറയുന്നത് ചിരിപ്പിക്കല്ലേ മുഖ്യാ,മുണ്ടുടുത്ത മോദിയുടെ രോദനം
കരുവന്നൂരില് വാ തുറക്കാത്ത മുഖ്യമന്ത്രി പിണറായി വിജയന് ഡല്ഹിയില് വാ തുറന്നു. വാ തുറന്ന് ഒരൊറ്റത്തള്ളാ ന്യൂസ്ക്ലിക്കിനെതിരായ ദില്ലി പൊലീസിന്റെ നടപടി പുനപരിശോധിക്കണം. ബദല് മാധ്യമങ്ങളെ അടിച്ചമര്ത്താനുള്ള ശ്രമങ്ങള് പ്രതിഷേധാര്ഹമാണ്. കേന്ദ്ര സര്ക്കാര് മാധ്യമ സ്വാതന്ത്ര്യത്തില് കൈകടത്തുന്നേ എന്നും പറഞ്ഞ് ഒരൊറ്റക്കരച്ചിലായിരുന്നു. കരുവന്നൂരില് നിക്ഷേപകര് പണം കിട്ടാതെ നിലവിളിച്ചു മുഖ്യന് വാ തുറന്നില്ല. തട്ടത്തില് തൊട്ട് വിവാദം പുകഞ്ഞു മുഖ്യമന്ത്രി മിണ്ടിയില്ല. കേരളത്തില് ഭീകരര് ആക്രമണത്തിന് പദ്ധതിയിട്ടു മുഖ്യമന്ത്രി മിണ്ടിയില്ല. പക്ഷെ വടക്കോട്ട് നോക്കി ഓരിയിടാന് ഒരു സംഭവം വീണുകിട്ടി വാ തുറന്നു.
ഓണ്ലൈന് വാര്ത്താ പോര്ട്ടലായ ന്യൂസ് ക്ലിക്കിനുനേരെയുള്ള ദില്ലി പൊലീസിന്റെ നടപടി പുനപരിശോധിക്കണമെന്ന് മുഖ്യമന്ത്രി പിണറായി വിജയന്. മുഖ്യധാരാ മാധ്യമങ്ങള് അവഗണിച്ചുപോന്ന വിഷയങ്ങള് രാജ്യ ശ്രദ്ധയിലേക്ക് കൊണ്ടുവരുന്ന ബദല് മാധ്യമങ്ങളെ അടിച്ചമര്ത്താനുള്ള ശ്രമങ്ങള് പ്രതിഷേധാര്ഹമാണ്. അത്തരം ശ്രമങ്ങളുടെ ഭാഗമായാണ് ഓണ്ലൈന് വാര്ത്താ പോര്ട്ടലായ ന്യൂസ് ക്ലിക്കിനുനേരെയുള്ള പൊലീസ് നടപടി എന്ന വിമര്ശനം ഗൗരവത്തോടെ എടുക്കേണ്ടതുണ്ട്. ഈ സാഹചര്യത്തില് ന്യൂസ്ക്ലിക്കിനെതിരായ ദില്ലി പൊലീസിന്റെ നടപടി പുന:പരിശോധിക്കണമെന്ന് പിണറായി വിജയന് ആവശ്യപ്പെട്ടു.
എതിര് ശബ്ദങ്ങളെ അടിച്ചമര്ത്തുന്നത് ഫാസിസ്റ്റ് രീതിയാണ്. മാധ്യമങ്ങള്ക്ക് നിര്ഭയമായും സ്വതന്ത്രമായും സത്യസന്ധമായും വാര്ത്താ ശേഖരണവും പ്രകാശനവും നടത്താനുള്ള സ്വാതന്ത്ര്യം രാജ്യത്തുണ്ട്. അതുറപ്പുവരുത്താനുള്ള നടപടികളാണ് കേന്ദ്ര സര്ക്കാരിന്റെ ഭാഗത്തുനിന്നും ഉണ്ടാവേണ്ടതെന്നും പിണറായി വിജയന് പറഞ്ഞു. ന്യൂസ് ക്ലിക്ക് ഓഫീസില് ഡല്ഹി പോലീസ് കയറിയത് മാത്രമല്ല സിപിഎമ്മിനെ ചൊടിപ്പിക്കുന്നത്. യെച്ചൂരിയുടെ വീട്ടിലും ഡല്ഹി പോലീസ് പരിശോധന നടത്തി. ഇപ്പോള് പ്രകാശ് കാരാട്ടിലേക്കും അന്വേഷണം നീളും എനന് വിവരങ്ങള് പുറത്ത് വരുന്നു. ഇതാണ് സിപിഎമ്മിനെ പൊള്ളിക്കുന്നത്. ചൈനീസ് ഫണ്ട് വന്നുവെന്ന ആരോപണത്തില് ന്യൂസ് ക്ലിക്കിനോടൊപ്പം യെച്ചൂരിയ്ക്കും കാരാട്ടിനും നേരെ ആരോപണശരങ്ങള് വരുന്നുണ്ട്.
കേന്ദ്രം മാധ്യമങ്ങളെ വേട്ടയാടുന്നു എന്ന് കരയുന്ന പിണറായി ഇവിടെ മാധ്യമങ്ങളെ പിന്നെ കൈവെള്ളയില് കൊണ്ട് നടക്കുകയാണല്ലോ. മാധ്യമങ്ങള്ക്ക് ചെസ്റ്റ് നമ്പറിട്ട് വേട്ടയാടിയ ടീംസ് ആണ് ഇപ്പോള് വടക്കോട്ട് നോക്കി കരയുന്നത്. മാധ്യമ സ്ഥാപനത്തില് പോലീസിനെ ഇറക്കി ലാപ്ടോപും കംപ്യൂട്ടറും മൊബൈലും വരെ ബലമായ് പിടിച്ചെടുത്തോണ്ട് പോയത് ഇവിടെ ആരും മറന്നിട്ടില്ല. ഇതിനൊക്കെ ചുക്കാന് പിടിച്ച മുഖ്യമന്ത്രിയാണ് ഇപ്പോള് ഡല്ഹിയില് കേറി വായിട്ടലക്കുന്നത്.
ഇതിനിടെ, ചൈനീസ് ഫണ്ട് കൈപ്പറ്റിയെന്ന യുഎപിഎ കേസില് അറസ്റ്റ് ചെയ്ത ന്യൂസ് ക്ലിക്ക് എഡിറ്ററെ കോടതി പൊലീസ് കസ്റ്റഡിയില് വിട്ടു. എഡിറ്റര് പ്രബീര് പുര്കായസ്ഥ, എച്ച് ആര് മാനേജര് അമിത് ചക്രവര്ത്തി എന്നിവരെ 7 ദിവസത്തേക്കാണ് കസ്റ്റഡിയില് വിട്ടത്. ഇന്നലെയാണ് ദില്ലി പൊലീസ് ന്യൂസ് ക്ലിക് ഓഫീസില് റെയ്ഡ് നടത്തി സീല് ചെയ്ത ശേഷം എഡിറ്ററടക്കം രണ്ട് പേരെ ദില്ലി പൊലീസ് അറസ്റ്റ് ചെയ്തത്. ചൈനീസ് ഫണ്ട് സ്ഥാപനത്തിലേക്കെത്തിയെന്ന കേസില് 46 പേരെ ചോദ്യം ചെയ്തിരുന്നു. ഇന്നലെ ചോദ്യം ചെയ്ത് വിട്ടയച്ചവരെ ഇന്ന് വീണ്ടും വിളിപ്പിക്കും. പുര്കായസ്തയുടെ ചോദ്യം ചെയ്യലിലെ വിവരങ്ങള് പുനപരിശോധിക്കാനാണ് നടപടി. നടപടിക്കെതിരെ വാര്ത്താപോര്ട്ടലായ ന്യൂസ് ക്ലിക്ക് സുപ്രീംകോടതിയെ സമീപിക്കും.
https://www.facebook.com/Malayalivartha
