പത്താന്‍കോട്ട് ഭീകരാക്രമണത്തില്‍ കൊല്ലപ്പെട്ട എന്‍.എസ്.ജി കമാന്റോ ലഫ്. കേണല്‍ നിരഞ്ജന്‍ കുമാര്‍ സൈനിക നീക്കത്തിനിടെ ബോംബ് പ്രതിരോധ കവചം ധരിച്ചിരുന്നില്ലെന്ന് സൈന്യം. ആക്രമണം സംബന്ധിച്ച് സൈന്യം കേന്ദ്ര സര്‍ക്കാരിന് സമര്‍പ്പിച്ച റിപ്പോര്‍ട്ടിലാണ് ഇക്കാര്യം വെളിപ്പെടുത്തിയിട്ടുള്ളത്.

പത്താന്‍കോട്ടില്‍ തെരച്ചില്‍ നടത്തുമ്പോള്‍ 60 കിലോയോളം ഭാരം വരുന്ന കവചമാണ് നിരഞ്ജന്‍ ധരിക്കേണ്ടിയിരുന്നത്. കയറ്റങ്ങളും ഇറക്കങ്ങളും ഉള്ളതും ആനപ്പുല്ലുകള്‍ വന്‍തോതില്‍ പടര്‍ന്നുനിന്നിരുന്നതുമായ ആ പ്രദേശത്ത് കവചം ധരിച്ച് തെരച്ചില്‍ നടത്തുക ബുദ്ധിമുട്ടായിരുന്നു.

പക്ഷേ തെരച്ചില്‍ നടത്തുമ്പോള്‍ നിരഞ്ജന്‍ യാതൊരു നിയമലംഘനവും നടത്തിയിട്ടില്ല. ബോംബ് നിര്‍വീര്യമാക്കുന്നതില്‍ നിരഞ്ജന്‍ വിദഗ്ദ്ധനായിരുന്നുവെന്നും റിപ്പോര്‍ട്ടില്‍ പറയുന്നു. തെരച്ചില്‍ നടത്തുമ്പോള്‍ നിരഞ്ജന്‍ കവചം ധരിച്ചിരുന്നില്ലാ എന്ന വാദം മുമ്പ് സൈന്യം തള്ളിക്കളഞ്ഞിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha