പി. ജയരാജന്റെ മുന്കൂര് ജാമ്യാപേക്ഷ ഇന്ന് കോടതി പരിഗണിക്കും
ആര്.എസ്.എസ് നേതാവ് കതിരൂരിലെ ഇളന്തോട്ടത്തില് മനോജിനെ വെട്ടിക്കൊന്ന കേസില് പ്രതിചേര്ക്കപ്പെട്ട സി.പി.എം കണ്ണൂര് ജില്ലാ സെക്രട്ടറി പി. ജയരാജന്റെ മുന്കൂര് ജാമ്യാപേക്ഷ തലശ്ശേരി ജില്ലാ സെഷന്സ് കോടതി വ്യാഴാഴ്ച പരിഗണിക്കും.
അഡ്വ. കെ. വിശ്വന് മുഖേനയാണ് ജാമ്യാപേക്ഷ ഫയല് ചെയ്തത്. ഹൈക്കോടതിയിലെ മുതിര്ന്ന അഭിഭാഷകരായ അഡ്വ. എം.കെ. ദാമോദരന്, അഡ്വ. ഗോപാലകൃഷ്ണക്കുറുപ്പ് എന്നിവര് ജയരാജനുവേണ്ടി തലശ്ശേരി കോടതിയില് ഹാജരാകുമെന്നാണ് വിവരം.
തുടര്ച്ചയായി നോട്ടീസ് നല്കിയിട്ടും ജയരാജന് സി.ബി.ഐക്ക് മുമ്പാകെ ഹാജരായില്ല.
ജില്ലാ കോടതിയില് നേരത്തെ രണ്ടുതവണ നല്കിയ മുന്കൂര് ജാമ്യാപേക്ഷ തള്ളിയതോടെ ജനുവരി 21നാണ് ജയരാജനെ സി.ബി.ഐ 25ാം പ്രതിയായി ചേര്ത്തത്. കൊലപാതകത്തിന്റെ മുഖ്യസൂത്രധാരന് ഇദ്ദേഹമാണെന്നാണ് സി.ബി.ഐ വാദം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
