സ്വകാര്യ ആശുപത്രിയിലെ നഴ്‌സായ സൂര്യ എസ് നായര്‍ എന്ന യുവതിയെ പട്ടാപ്പകല്‍ യുവാവ് നഗരമധ്യത്തില്‍ വച്ച് വെട്ടിക്കൊലപ്പെടുത്തിയ സംഭവത്തില്‍ ദുരൂഹത അഴിയുന്നില്ല. കൊലപാതകത്തിന് പിന്നില്‍ കാമുകനാണെന്നാണ് വ്യക്തമായതിന് പിന്നാലെ കാമുകന്‍ ഷിജു ആത്മഹത്യക്ക് ശ്രമിച്ചു.
വെഞ്ഞാറമൂട് പിരപ്പന്‍കോട് തൈക്കാട് സെന്റ് ജോണ്‍സ് ആശുപത്രിയിലെ സ്റ്റാഫ് നഴ്‌സുമായ സൂര്യ എസ്. നായരും ആത്മഹത്യയ്ക്ക് ശ്രമിച്ച കാമുകന്‍ ഷിജുവും ദീര്‍ഘനാളായി പ്രണയത്തിലായിരുന്നു. അടുത്ത സ്ഥലക്കാരായിരുന്നെങ്കിലും ഇരുവരും ഫേസ്ബുക്കിലൂടെയാണ് പരിചയപ്പെട്ടത്. കടുത്ത പ്രണയത്തിലായ ഇവര്‍ പരസ്പരം കാണുമായിരുന്നു. എന്നാല്‍ ആറുമാസം മുമ്പ് ഷിജുവിന് ഒരു അപകടം സംഭവിച്ച് കിടപ്പിലായി. ഈ സമയം സൂര്യ മറ്റൊരാളുമായി പ്രണയത്തിലായി എന്ന സംശയമാണ് കൊലപാതകത്തിലേക്ക് നയിച്ചതെന്നാണ് റിപ്പോര്‍ട്ട്.മാത്രമല്ല സൂര്യയ്ക്ക് മറ്റ് പ്രണയമുണ്ടെന്ന് പറഞ്ഞ് ഷിജുവിനെ കൂട്ടുകാര്‍ കളിയാക്കിയിരുന്നു. ഇതില്‍ അസ്വസ്ഥനുമായിരുന്നു ഷിജു. ഷിജുവിന്റെ സംശയരോഗം കാരണം ഇയാളെ ഒഴിവാക്കാന്‍ സൂര്യ ശ്രമിച്ചിരുന്നുവെന്നും ഷിജുവിന്റെ ഫോണ്‍ സൂര്യ അവഗണിക്കുകയും ചെയ്തിരുന്നു. ഇതിനെ തുടര്‍ന്ന് ഒരു ഭ്രാന്തമായ അവസ്ഥയിലായിരുന്നു ഷിജു.
സൂര്യയെ കാണാന്‍ ഷിജു പലപ്പോഴും ഹോസ്പിറ്റലില്‍ ചെന്നിരുന്നുവെന്നും റിപ്പോര്‍ട്ടുണ്ട്. സുര്യ ആരോടൊക്കെ സംസാരിക്കുന്നുവെന്നെല്ലാം ഇയാള്‍ ഒളിച്ചുനിന്ന് നിരീക്ഷിച്ചിരുന്നു. ഇത് സൂര്യയ്ക്് ഇഷ്ടമല്ലായിരുന്നു. പലപ്പോഴും ഷിജുവിനെ സൂര്യ വിലക്കുകയും ചെയ്തു. ഇതിന്റെ ദേശ്യവും ഷിജുവിന് ഉണ്ടായിരുന്നു.
 സൂര്യ ജോലിചെയ്യുന്ന ഹോസ്പിറ്റലിലെ സൂപ്രണ്ടിന്റെ മകളുടെ കല്യാണവുമായി ബന്ധപ്പെട്ട് സൂര്യയും കൂട്ടുകാരിയും ഒരുസ്വര്‍ണ മോതിരം വാങ്ങി നല്‍കാന്‍ തീരുമാനിച്ചു. ഇതിനു വേണ്ടി രണ്ടുപേരും കൂടി സംഭവദിവസം നടന്ന രാവിലെ വെഞ്ഞാറമൂട് ബസ് സ്റ്റാന്‍ഡില്‍ ഒരുമിച്ചുകൂടി അറ്റിങ്ങലില്‍പോയി സ്വര്‍ണം വാങ്ങാനായിരുന്നു പ്ലാന്‍. എന്നാല്‍ ഇന്നലെ രാവിലെ സൂര്യ കൂട്ടുകാരിയെ കൂട്ടാതെ ഒറ്റയ്ക്ക് ആറ്റിങ്ങലിലേക്ക് പോയി. ഇതറിഞ്ഞ ഷിജു സൂര്യ കാമുകന്റെ കൂടെ അറ്റിങ്ങലില്‍ പോയി എന്ന് വിചാരിച്ച് കൂട്ടുകാരന്റെ ബൈക്കില്‍ അറ്റിങ്ങലിലെത്തി സൂര്യയെ വെട്ടികൊലപ്പെടുത്തുകയായിരുന്നു. തുടര്‍ന്നാണ് കൊല്ലത്തെ ലോഡ്ജില്‍ ഷിജു നരമ്പ് മുറിച്ച് ആത്മഹത്യക്ക് ശ്രമിക്കുകയായിരുന്നു.
ഇരു കൈകളിലെയും ഞരമ്പുകള്‍ മുറിച്ചും പാരസെറ്റമോള്‍ ഗുളികകള്‍ അമിതമായി കഴിച്ചുമാണ് ആത്മഹത്യയ്ക്ക് ശ്രമിച്ചത്. ഗുരുതര അവസ്ഥയിലുള്ള ഇയാള്‍ അപകടനില തരണം ചെയ്തിട്ടില്ല. അരുംകൊലയിലേക്ക് നയിച്ചത് സൂര്യക്ക് മറ്റൊരാളുമായി ബന്ധമുണ്ടായിരുന്നു എന്നതാണ് പൊലീസ് നല്‍കുന്ന വിവരം. ഇത് സംബന്ധിച്ച ഒരു ഡയറിക്കുറിപ്പും പൊലീസ് കണ്ടെടുത്തിട്ടുണ്ട്.
പെണ്‍കുട്ടിക്ക് മറ്റു പലരുമായും പ്രണയമുണ്ടായിരുന്നതായും ഇതു സഹിക്കാനാവാതെ വെട്ടി കൊലപ്പെടുത്തുകയായിരുന്നുവെന്നും ഷിജു ഡയറിയില്‍ കുറിച്ചിരിക്കുന്നത്. ഇതേക്കുറിച്ച് പൊലീസ് വിശദമായ അന്വേഷണം നടത്തിവരികയാണ്. ആദ്യം രാജേഷ് എന്നു പേരുള്ള യുവാവാണ് പെണ്‍കുട്ടിയുടെ കാമുകനെന്നാണ് പൊലീസ് പറഞ്ഞിരുന്നത്. കൊല നടന്നതിനു സമീപത്തു നിന്നും കണ്ടെടുത്ത ബൈക്ക് ഈ യുവാവിന്റേതായിരുന്നു. മാത്രമല്ല പെണ്‍കുട്ടിയും കാമുകനും ബൈക്കില്‍ വരുന്നത് കണ്ടെന്നു ദൃക്‌സാക്ഷികള്‍ പറഞ്ഞിരുന്നു. ഇതാണ് തെറ്റിദ്ധാരണയ്ക്ക് ഇടയാക്കിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha