രണ്ടാം ഭാര്യയേയും അവരുടെ മകളേയും വെട്ടിക്കൊലപ്പെടുത്തിയ ശേഷം ബിഎസ്എന്എല് ഉദ്യോഗസ്ഥന് തൂങ്ങിമരിച്ച നിലയില്
ബിഎസ്എന്എല് ഉദ്യോഗസ്ഥന് രണ്ടാം ഭാര്യയേയും അവരുടെ മകളേയും വെട്ടിക്കൊലപ്പെടുത്തിയ ശേഷം കിടപ്പുമുറിയിലെ ഫാനില് തൂങ്ങിമരിച്ച നിലയില്. പുനുക്കന്നൂര് കോവില്മുക്ക് വായനശാലയ്ക്കു സമീപം പൊയ്കയില് വീട്ടില് ഡി. മധുസൂദനന് പിള്ളയെയാണ് (52) കുണ്ടറ ടെലിഫോണ് എക്സ്ചേഞ്ചിലെ ടെക്നീഷ്യനാണ് . രണ്ടാം ഭാര്യയും ചവറ തെക്കുംഭാഗം സ്വദേശിനിയുമായ ജയലക്ഷ്മിയെയും (34) അവരുടെ മകള് കാഞ്ഞിരകോട് സെന്റ് മാര്ഗരറ്റ്സ് ഗേള്സ് ഹൈസ്കൂളിലെ ഏഴാം ക്ലാസ് വിദ്യാര്ഥിനി കാര്ത്തികയെയും (കല്യാണി-12) വെട്ടിക്കൊലപ്പെടുത്തിയ ശേഷം തൂങ്ങിമരിച്ച നിലയില് കണ്ടെത്തിയത്.
ചൊവ്വാഴ്ച രാവിലെ എട്ടോടെ അയല്വീട്ടില് നിന്നു പാലുമായി എത്തിയ കുട്ടിയാണു വീടിന്റെ മുന്വശത്തെ ഹാളില് ജയലക്ഷ്മിയെയും മകളെയും മരിച്ച നിലയില് കണ്ടത്. ജയലക്ഷ്മിയെ തലയ്ക്കു വെട്ടേറ്റു രക്തം വാര്ന്നു മരിച്ച നിലയില് തറയില് പായയിലും കഴുത്തിനു വെട്ടേറ്റു മരിച്ച നിലയില് കാര്ത്തികയെ സമീപത്തെ സെറ്റിയിലുമാണു കണ്ടത്. തുടര്ന്ന് അയല്വാസികളും കുണ്ടറ പൊലീസും എത്തി.
മധുസൂദനന് പിള്ളയെ തൊട്ടടുത്തുള്ള കിടപ്പുമുറിയില് തൂങ്ങിമരിച്ച നിലയില് കണ്ടെത്തി. കൊല്ലാന് ഉപയോഗിച്ച വെട്ടുകത്തിയും പിച്ചാത്തിയും കണ്ടെടുത്തു. പ്രിന്സ് എന്നയാളാണു മരണത്തിന് ഉത്തരവാദിയെന്നും അയാള് തന്റെ കുടുംബജീവിതം തകര്ത്തുവെന്നും വീടിന്റെ ചുവരുകളില് സ്കെച്ച് പേന കൊണ്ടു മധുസൂദനന് പിള്ള എഴുതിയിരുന്നു.
ഇളമ്പള്ളൂര് പഞ്ചായത്ത് വൈസ് പ്രസിഡന്റായിരുന്ന ആര്എസ്പിയിലെ അജിതകുമാരി(പൂമണി)യായിരുന്നു മധുസൂദനന് പിള്ളയുടെ ആദ്യ ഭാര്യ. ഇവര്ക്കു മക്കളില്ല. അര്ബുദത്തെ തുടര്ന്നു നാലു വര്ഷം മുന്പ് അവര് മരിച്ചു. രണ്ടു വര്ഷം മുന്പാണു ജയലക്ഷ്മിയെ വിവാഹം ചെയ്തത്. ജയലക്ഷ്മിയും ആദ്യ വിവാഹം വേര്പെടുത്തിയതാണ്. അതിലുള്ള ഏക മകള് കാര്ത്തികയും ഇവരോടൊപ്പമാണു താമസിച്ചിരുന്നത്.
ജയലക്ഷ്മി ആശുപത്രിമുക്കിലുള്ള ഒരു സ്വകാര്യ ലോഡ്ജില് റിസപ്ഷനിസ്റ്റായിരുന്നു. എന്നാല് ജോലിക്കു പോകുന്നതു മധുസൂദനന് പിള്ളയ്ക്ക് ഇഷ്ടമില്ലായിരുന്നു. ഇതേച്ചൊല്ലി ഇരുവരും തമ്മില് വഴക്കുനടന്നിരുന്നതായി ബന്ധുക്കള് പറയുന്നു. കഴിഞ്ഞയാഴ്ച കാറിലെത്തിയ ഒരു സംഘമാളുകള് മധുസൂദനന് പിള്ളയെ ഭീഷണിപ്പെടുത്തി വസ്തു അളന്നുതിരിച്ചതായി പറയുന്നു.
കൊട്ടാരക്കര റൂറല് ഡിവൈഎസ്പി അശോക് കുമാര്, കുണ്ടറ സിഐ കെ. സദന്, എസ്ഐ അരുണ്ദേവ് എന്നിവരുടെ നേതൃത്വത്തില് ഇന്ക്വസ്റ്റ് തയാറാക്കിയ ശേഷം മൃതദേഹങ്ങള് തിരുവനന്തപുരം മെഡിക്കല് കോളജില് പോസ്റ്റ്മോര്ട്ടം നടത്തി. ചൊവ്വാഴ്ച സന്ധ്യയോടെ മോഹനന് പിള്ളയുടെ മൃതദേഹം പുനുക്കന്നൂരിലെ വീട്ടുവളപ്പില് സംസ്കരിച്ചു. ജയലക്ഷ്മിയുടെയും കാര്ത്തികയുടെയും മൃതദേഹങ്ങള് ഇന്നലെ ഉച്ചയോടെ ചവറയില് സംസ്കരിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
