സോളര്‍ കേസുമായി ബന്ധപ്പെട്ട് കൂടുതല്‍ ആരോപണങ്ങള്‍ ഇനിയും വരുമെന്ന് മുഖ്യമന്ത്രി ഉമ്മന്‍ ചാണ്ടി. സോളര്‍ കമ്മിഷന് മുന്നില്‍ സരിത എസ്.നായര്‍ ഇന്നലെ നടത്തിയ വെളിപ്പെടുത്തലുകള്‍ക്ക് പിന്നില്‍ ബാര്‍ മുതലാളിമാരാണ്. യുഡിഎഫ് സര്‍ക്കാരിനെ അട്ടിമറിക്കുകയും വരുന്ന നിയമസഭാ തിരഞ്ഞെടുപ്പില്‍ യുഡിഎഫിനെ തോല്‍പ്പിക്കുകയുമാണ് ഇവരുടെ ലക്ഷ്യം. കോടതിയില്‍ പരാജയപ്പെട്ടതാണ് ഇത്തരമൊരു നീക്കത്തിന് ബാര്‍ മുതലാളിമാരെ പ്രേരിപ്പിക്കുന്നതെന്നും മുഖ്യമന്ത്രി ആരോപിച്ചു. 
ആരോപണങ്ങള്‍ക്കു പിന്നില്‍ പി.സി.ജോര്‍ജാണെന്നും മുഖ്യമന്ത്രി പറഞ്ഞു. ഇതിനപ്പുറമുള്ള ആരോപണങ്ങള്‍ ഉന്നയിപ്പിക്കാന്‍ ശ്രമിക്കുകയാണ് ജോര്‍ജെന്നും അദ്ദേഹം വ്യക്തമാക്കി.
ഗൂഢാലോചനയ്ക്ക് തന്റെ പക്കല്‍ തെളിവുണ്ടെന്നും കോഴിക്കോട്ട് മാധ്യമപ്രവര്‍ത്തകരെ കാണവെ മുഖ്യമന്ത്രി അവകാശപ്പെട്ടു. ബിജു രാധാകൃഷ്ണന്‍ ഉന്നയിച്ച ആരോപണങ്ങളുടെ പിന്നാലെ പോയി പ്രതിപക്ഷം ഒരിക്കല്‍ നാണം കെട്ടതാണ്. സരിതയുടെ കാര്യത്തിലും ഇതുതന്നെ സംഭവിക്കും. 2014ല്‍ സരിത സിപിഎമ്മിനെതിരെ ഗുരുതരമായ ആരോപണം ഉന്നയിച്ചു. അന്ന് യുഡിഎഫ് അത് കാര്യമാക്കിയില്ലെന്നും മുഖ്യമന്ത്രി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha