എമര്‍ജിങ് കേരളയുടെ പിറ്റേ ദിവസം ക്ലിഫ് ഹൗസിലെത്തി മുഖ്യമന്ത്രിയെ കണ്ടതായി സരിത കമ്മീഷന് മൊഴി നല്‍കി. മുഖ്യമന്ത്രിയുമായി എമര്‍ജിങ് കേരളയുടെ തലേദിവസം രാത്രി 10.45-ന് സലിം രാജിന്റെ ഫോണില്‍ സംസാരിച്ചു. പിറ്റേന്ന് എമര്‍ജിങ് കേരള വേദിയിലെത്താന്‍ മുഖ്യമന്ത്രി ആവശ്യപ്പെട്ടു . രാവിലെ 8.40 ന് ഹോട്ടലിലെത്തി സലിംരാജിെന്റ ഫോണില്‍ വിളിച്ചെങ്കിലും മാധ്യമപ്രവര്‍ത്തകര്‍ ഉള്ളതിനാല്‍ സംസാരിക്കാനാവില്ലെന്ന് മുഖ്യമന്ത്രി പറഞ്ഞു. പിറ്റേന്ന് വൈകീട്ട് ഔദ്യോഗിക വസതിയായ ക്ലിഫ് ഹൗസിലെത്തി താന്‍ മുഖ്യമന്ത്രിയെ കണ്ടു. മുഖ്യമന്ത്രിയുടെ ഭാര്യയും മകനും ഒപ്പമുണ്ടായിരുന്നു. കുടുംബാംഗങ്ങളെ മാറ്റി നിര്‍ത്തിയായാണ് തന്നോട് സംസാരിച്ചത്. എമര്‍ജിങ് കേരളക്ക് മുമ്പ് ബിജു രാധാകൃഷ്ണനെ കണ്ടിരുന്നെന്നും വ്യക്തിപരമായ കാര്യമാണ് ബിജു സംസാരിച്ചതെന്നും മുഖ്യമന്ത്രി പറഞ്ഞതായി സരിത മൊഴി നല്‍കി. 

പൊലീസ് കസ്റ്റഡിയില്‍ വെച്ച് എഴുതിയത് 30 പേജുള്ള കത്താണ്. അഡീഷനല്‍ ചീഫ് ജുഡീഷ്യല്‍ മജിസ്‌ട്രേറ്റിന്‍ നല്‍കിയ മൊഴിയില്‍ ഇക്കാര്യങ്ങളെല്ലാം പറഞ്ഞിട്ടുണ്ട്. പത്തതനംതിട്ട ജയിലിലേക്ക് പോകുേമ്പാള്‍ സൂപ്രണ്ടിന്റെ അനുമതിയോടെ കത്ത് സൂക്ഷിച്ചു. ബെന്നി ബഹനാന്റെയും തമ്പാനൂര്‍ രവിയുടെയും നിര്‍ദേശം അനുസരിച്ചാണ് കത്ത് ചുരുക്കിയത്. 2013 ജൂലൈ 25 നാണ് അട്ടക്കുളങ്ങര ജയിലിലെത്തിയത്. അതിനു ശേഷം നിരവധി പേര് കാണാന്‍ ശ്രമം നടത്തി. എന്നാല്‍ അമ്മയെയും അടുത്ത ബന്ധുക്കളെയുമല്ലാതെ ആരെയും കാണേണ്ടെന്ന് പറഞ്ഞിരുന്നു. കത്തില്‍ പറഞ്ഞ കാര്യങ്ങള്‍ പുറത്തുവന്നാല്‍ കൂടുതല്‍ അപകടം വരുമെന്ന് ഹൈകോടതി അഭിഭാഷന് മുന്നറയിപ്പ് നല്‍കിയിരുന്നെന്നും സരതിയുടെ മൊഴിയിലുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha