കോവൂര്‍ കുഞ്ഞുമോന്‍ എംഎല്‍എ സ്ഥാനം രാജിവെച്ചു. രാജികത്ത് സ്പീക്കര്‍ക്ക് കൈമാറി. കുന്നത്തൂര്‍ മണ്ഡലത്തില്‍നിന്നുള്ള ആര്‍എസ്പി അംഗമാണ് കോവൂര്‍ കുഞ്ഞുമോന്‍.
ആര്‍എസ്പി വിട്ട് ഇടതുപക്ഷത്തിനൊപ്പം ചോര്‍ന്ന് നിന്ന് പ്രവര്‍ത്തിക്കുന്നതിനാണ് രാജിയെന്ന് അദ്ദേഹം പറഞ്ഞു. പാര്‍ട്ടി സ്ഥാനങ്ങളെല്ലാം രാജിവെച്ചുകൊണ്ടാണ് അദ്ദേഹം പാര്ട്ടി വിട്ട് പുറത്ത് പോകുന്നത്. തന്നോടെപ്പം പാര്‍ട്ടിവിട്ട് പുറത്ത് പോകന്‍ ആയിരങ്ങളാണ് തയ്യാറായി നില്‍ക്കുന്നതെന്ന് അവകാശപ്പെട്ടു. യു.ഡി.എഫിന്റെ നയങ്ങളും അഴിമതിയുമാണ് പാര്‍ട്ടി വിടാന്‍ പ്രേരിപ്പിച്ചതെന്ന് കോവൂര്‍ കുഞ്ഞുമോന്‍ പറഞ്ഞു.

അഴിമതിയില്‍ മുങ്ങിക്കുളിച്ച യുഡിഎഫ് സംവിധാനത്തില്‍ ആത്മാഭിമാനമുള്ളവര്‍ക്ക് പ്രവര്‍ത്തിക്കാനാവില്ല. യുഡിഎഫിന്റെ പോക്ക് ശരിയല്ല. ആര്‍എസ്പിയും നേതാക്കളും യുഡിഎഫിന്റെ നയത്തിന് കൂട്ടുനില്‍ക്കുയാണ്. എംഎല്‍എ സ്ഥാനത്തിനൊപ്പം ആര്‍എസ്പിയിലെ സ്ഥാനങ്ങളും രാജിവെക്കുന്നതായും കോവൂര്‍ കുഞ്ഞുമോന്‍ പറഞ്ഞു.
മലയിന്‍കീഴില്‍ സ്പീക്കര്‍ പങ്കെടുത്ത ചടങ്ങില്‍ എത്തിയാണ് കോവൂര്‍ കുഞ്ഞുമോന്‍ രാജിക്കത്ത് കൈമാറിയത്.

ആര്‍എസ്പി നേതാവ് വി പി രാമകൃഷ്ണപിള്ളയുടെ മകള്‍ ബി ജയന്തി, സംസ്ഥാനകമ്മിറ്റിഅംഗം ബി രഘൂത്തമന്‍പിള്ള, ജില്ലാ കമ്മിറ്റിഅംഗം കെ തുളസീധരന്‍പിള്ള, ആര്‍എസ്പി മണ്ഡലം കമ്മിറ്റി അംഗങ്ങളായ സുരേന്ദ്രന്‍പിള്ള, ശ്രീകുമാര്‍, എസ് തങ്കമണി, പത്മലോചനന്‍, രാധാമണി, ശൈലജ, രാധാകൃഷ്ണന്‍, സുശീല, ആര്‍വൈഎഫ് സംസ്ഥാന കമ്മിറ്റി അംഗം എല്‍ സുഗതന്‍, ആര്‍എസ്പി ലോക്കല്‍കമ്മിറ്റി അംഗങ്ങളും ബ്രാഞ്ച് സെക്രട്ടറിമാരും കോണ്‍ഗ്രസ് കുണ്ടറ മണ്ഡലം ജനറല്‍സെക്രട്ടറി സെയിനുല്ലാബ്ദീന്‍ തുടങ്ങിയവര്‍ ഉള്‍പ്പെടെ നൂറ്റമ്പതോളം പ്രവര്‍ത്തകരാണ് ആര്‍എസ്പി വിട്ട് സിപിഐ എമ്മിനൊപ്പം വന്ന പ്രമുഖര്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha