ബാര്‍ കോഴകേസില്‍ കെ ബാബുവിനെതിരെ എഫ്‌ഐആര്‍ എടുത്ത് അന്വേഷണം നടത്തണമെന്ന തൃശൂര്‍ വിജിലന്‍സ് കോടതിയുടെ ഉത്തരവ് ഹൈക്കോടതി സ്‌റ്റേ ചെയ്തു. ഇത് ഏറ്റവും കൂടുതല്‍ ആശ്വാസം പകരുന്നത് മുഖ്യമന്ത്രി ഉമ്മല്‍ ചാണ്ടിക്കാണ്. തന്റെ രാജി ആവശ്യപ്പെടുന്നവരോട് ബാബുവിനെതിായ കേസിന്റെ ഹൈക്കോടതി സ്‌റ്റേ ഉയര്‍ത്തിക്കാട്ടിയാകും ഉമ്മല്‍ ചാണ്ടി ഇനി പ്രതിരോധിക്കുക. എ കാരനായ കെ ബാബുവിനെ തിടുക്കത്തിലുളള രാജിയില്‍ നിന്നും മുഖ്യമന്ത്രി സംരംക്ഷിച്ചിരുന്നു. വിജിലന്‍സ് ഉത്തരവിനെ തുടര്‍ന്ന് കഴിഞ്ഞ ശനിയാഴ്ച ബാബു മുഖ്യമന്ത്രിക്ക് രാജിക്കത്ത് നല്‍കിയിരുന്നു. എന്നാല്‍ അത് ഇതുവരെ ഗവര്‍ണര്‍ക്ക് മുഖ്യമന്ത്രി കൈമാറിയിട്ടുമില്ല.
ഇപ്പോള്‍ സോളാര്‍ കേസില്‍ മുഖ്യമന്ത്രിക്കെതിരായ വിധിയും പിന്നീട് ഹൈക്കോടതിയിലെത്തുമ്പോള്‍ തനിക്ക് അനുകൂലമാകുമെന്നാണ് ഉമ്മന്‍ ചാണ്ടി പ്രതീക്ഷിക്കുന്നത്. ഐ ഗ്രൂപ്പ് നേതാക്കള്‍ നേരത്തെ മുതല്‍ നേതൃത്വ മാറ്റത്തിന് മുറവിളി കൂട്ടിയിരുന്നു. രമേശ് ചെന്നിത്തലയെ മുഖ്യമന്ത്രി സ്ഥാനത്തേക്ക് ഉയര്‍ത്തിക്കൊണ്ട് വരാനാണ് ഐ ഗ്രൂപ്പ് ശ്രമം നടത്തിയത്. കരുണാകരനെ മുഖ്യമന്ത്രിക്കസേരയില്‍ നിന്നും പുറത്താക്കുവാന്‍ ഉമ്മന്‍ ചാണ്ടി നടത്തിയ നീക്കങ്ങള്‍ പരസ്യമായ രഹസ്യമാണ്. മുഖ്യമന്ത്രിക്കും മറ്റ് എ ഗ്രൂപ്പ് നേതാക്കള്‍ക്കും എതിരായ അഴിമതിക്കേസുകള്‍ക്ക് പിന്നില്‍ ഐ ഗ്രൂപ്പ് നേതാക്കളുടെ രഹസ്യമായ സാന്നിദ്ധ്യമുണ്ടെന്നാണ് എ ഗ്രൂപ്പിന്റെ ആരോപണം. ജനരക്ഷമാര്‍ച്ചിന് നോതൃത്വം നല്‍കുന്ന് കെ.പി.എസ്.സി പ്രസിഡന്റെ വി.എം സുധിരനും ലക്ഷ്യം വയ്ക്കുന്നത് മുഖ്യമന്ത്രിക്കസേര തന്നെ. ഗ്രൂപ്പ് രാഷ്ട്രീയത്തിനെതിരായി തീരുമാനം ഹൈക്കമാന്റെ് എടുക്കുകയാണെങ്കില്‍ നറുക്ക് വീഴുക സുധീരനാകുമെന്നതില്‍ സംശയമില്ല.
കാര്യങ്ങള്‍ വളരെ ഗൗരവതരമാണെന്നാണ് നേതാക്കള്‍ സോണിയയെ ധരിപ്പിച്ചത്. വിജിലന്‍സ് കോടതി അന്വേഷണത്തിന് ഉത്തരവിട്ട സാഹചര്യത്തില്‍ സര്‍ക്കാരിന്റെ മുന്നോട്ടുള്ള പോക്ക് സുഖകരമായിരിക്കില്ലെന്നും നേതാക്കള്‍ വ്യക്തമാക്കി. ഇതുവരെ സോളാര്‍ തട്ടിപ്പു സംബന്ധിച്ച് ആരോപണങ്ങള്‍ മാത്രമാണ് സര്‍ക്കാരിനു നേരെ ഉയര്‍ന്നത്. എന്നാല്‍ കോടതി ഉത്തരവോടെ സ്ഥിതി മാറിയിരിക്കുകയാണെന്നും ആന്റണി സോണിയയെ അറിയിച്ചു. കേരളത്തില്‍ നേതൃമാറ്റം വേണമെന്ന ആവശ്യവും ഹൈക്കമാന്‍ഡ് നേതാക്കളില്‍ ചിലര്‍ മുന്നോട്ട് വച്ചിട്ടുണ്ട്.
ഇനി കോണ്‍ഗ്രസ് രാഷ്ട്രീയത്തില്‍ ഗ്രൂപ്പ് യോഗങ്ങളുടെയും രഹസ്യമീറ്റിംഗ്കളുടെയും കാലമാകും ഉണ്ടാവുക.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha