ഓരോ ഇന്ത്യക്കാരനും പ്രിയങ്കരമായ അനുഭവങ്ങള്‍ നല്‍കുന്ന മനോഹര ദേശമാണ് കേരളമെന്ന് ബാഹുബലിയുടെ സംവിധായകന്‍ എസ്.എസ്. രാജമൗലി. ജില്ലാ ഭരണകൂടവും ഡിടിപിസിയും ചേര്‍ന്നു നല്‍കിയ സ്വീകരണത്തിന് പ്രസംഗിക്കുകയായിരുന്നു അദ്ദേഹം. കണ്ണൂരില്‍ ബാഹുബലി ചിത്രീകരിച്ചതിലൂടെ ആദരിക്കപ്പെട്ടത് ബാഹുബലി ടീം കൂടിയാണ്. ശബരിമലയിലേക്ക് വരുമ്പോഴാണ് ഞാന്‍ ആദ്യമായി ട്രെയിനിലെ ജനാലയില്‍ കൂടി പാലക്കാടു മുതല്‍ കേരളത്തിന്റെ പ്രകൃതി സൗന്ദര്യം തിരിച്ചറിഞ്ഞത്. ജില്ലാ ഭരണകൂടവും പൊലീസും ജനങ്ങളും എല്ലാവരും ചേര്‍ന്ന് നല്‍കിയ സഹകരണത്തിന്റെ ഫലമായാണ് ബാഹുബലിയുടെ ഷൂട്ടിങ് കണ്ണൂര്‍ കണ്ണവം വനമേഖലയില്‍ നിശ്ചിത സമയത്ത് പൂര്‍ത്തിയാക്കാന്‍ കഴിഞ്ഞത്.
അതില്‍ എല്ലാവരോടും നന്ദിയുണ്ട്. കേരളത്തിന്റെ പ്രകൃതിയിലേക്ക് ഇനിയും ധാരാളം സിനിമകളുമായി വരുമെന്ന് രാജമൗലി പറഞ്ഞു. ചടങ്ങില്‍ കണ്ണൂര്‍ മഹോല്‍സവത്തിന്റെ ലോഗോ കലക്ടര്‍ പി. ബാലകിരണിന് നല്‍കി രാജമൗലി പ്രകാശനം ചെയ്തു. മേയര്‍ ഇ.പി.ലത അധ്യക്ഷയായിരുന്നു. ബാഹുബലിയുടെ നിര്‍മാതാവ് ശോഭു യാര്‍ലഗദ്ദ ചടങ്ങില്‍ മുഖ്യാതിഥിയായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha