സോളാര്‍ സമരം സംസ്ഥാനത്ത് വന്‍ ക്രമസമാധാനപ്രശ്‌നം ഉയര്‍ത്തുന്നു, ജില്ലാ ആസ്ഥാനങ്ങളില്ലെല്ലാം തെരുവുയുദ്ധം. നിരവധിപ്പേര്‍ ആശുപത്രിയില്‍. മുഖ്യമന്ത്രി ഉമ്മന്‍ചാണ്ടിയുടെ രാജി ആവശ്യപ്പെട്ട് സെക്രട്ടേറിയേറ്റിന് മുന്നിലേയ്ക്ക് ഡിവൈഎഫ്‌ഐ പ്രവര്‍ത്തകര്‍ നടത്തിയ പ്രതിഷേധത്തില്‍ തലസ്ഥാനം യുദ്ധക്കളമായി. പ്രതിഷേധക്കാര്‍ ബാരിക്കേഡുകള്‍ മറിച്ചിട്ടതോടെ പോലീസ് ശക്തമായ പ്രതിരോധ നടപടികളിലേയ്ക്ക് നീങ്ങി. പ്രതിഷേധക്കാരെ നിയന്ത്രിക്കാന്‍ കഴിയാതെ വന്നതോടെ പോലീസ് നിരവധി തവണ ജലപീരങ്കി പ്രയോഗിച്ചുവെങ്കിലും അവര്‍ പിരിഞ്ഞുപോകാന്‍ കൂട്ടാക്കിയിട്ടില്ല. ഇതേതുടര്‍ന്ന് നിരവധി തവണ കണ്ണീര്‍ വാതക ഷെല്ലുകളും പ്രയോഗിച്ചു.
പോലീസിനു നേരെ മുദ്രാവാക്യം വിളിച്ചും കല്ലെറിഞ്ഞും പ്രവര്‍ത്തകര്‍ വീണ്ടും മുന്നോട്ട് വന്നതോടെ പോലീസ് ലാത്തിവീശി. നിരവധി പ്രവര്‍ത്തകര്‍ക്ക് പരുക്കേതായാണ് റിപ്പോര്‍ട്ട്.
സംസ്ഥാനസെക്രട്ടറി എം സ്വരാജിനെയുള്‍പ്പെടെയുള്ളവരെ പോലീസ് വളഞ്ഞിട്ടുതല്ലി. സെക്രട്ടേറിയേറ്റിലേക്ക് യുവമോര്‍ച്ച നടത്തിയമാര്‍ച്ചിലും സംഘര്‍ഷമുണ്ടായി.
തൃശൂര്‍, കോഴിക്കോട്, ആലപ്പുഴ, കോട്ടയം തുടങ്ങിയ എല്ലാ ജില്ലാ കളക്ട്രേറ്റുകളിലേക്ക് ഡിവൈഎഫ്‌ഐ നടത്തിയ മാര്‍ച്ചുകള്‍ക്ക് നേരെ പോലീസ് ലാത്തിച്ചാര്‍ജുണ്ടായി. കോഴിക്കോട് പോലീസിന് നേരെ വന്‍ അക്രമമാണ് പ്രതിഷേധക്കാര്‍ അഴിച്ച വിട്ടത് പോലീസിന് നേരെ പെട്രോള്‍ ബോംബ് എറിഞ്ഞ സാഹചര്യം വരെയുണ്ടായി. നിരവധി ഡിവൈഎഫ്‌ഐ പ്രവര്‍ത്തകര്‍ക്കും പോലീസിനും അക്രമത്തില്‍ പരിക്കേറ്റിട്ടുണ്ട്.
അക്രമസമരങ്ങളെ കര്‍ശനമായി നേരിടുമെന്ന് ആഭ്യന്തരമന്ത്രി രമേശ് ചെന്നിത്തല പ്രഖ്യാപിച്ചിരുന്നു. സമരങ്ങളെ നേരിടുന്നതിനെക്കുറിച്ച് ഡിജിപിയും ഇന്റലിജന്‍സ് മേധാവിയും ഇന്ന് മുഖ്യമന്ത്രിയുമായി കൂടിക്കാഴ്ച നടത്തിയിരുന്നു. മുഖ്യമന്ത്രി ഉമ്മന്‍ചാണ്ടി രാജിവയ്ക്കുന്നത് വരെ ശക്തമായ പ്രതിഷേധങ്ങളുമായി മുന്‍മ്പോട്ട് പോകാനാണ് പ്രതിപക്ഷ പാര്‍ട്ടികളുടെ തീരുമാനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha