ഒരു വയസുള്ള കുട്ടി ബക്കറ്റിലെ വെള്ളത്തിൽ വീണ് മരിച്ചു. മലപ്പുറം കോട്ടക്കൽ കോഴിച്ചെനയിലാണ് സംഭവം. എടരിക്കോട് പെരുമണ്ണ കുന്നായ വീട്ടിൽ നൗഫലിന്‍റെ മകൾ ആണ് മരിച്ചത്. വീട്ടിലെ ബാത്റൂമിലെ ബക്കറ്റിലെ വെള്ളത്തിൽ വീണു കിടക്കുന്ന നിലയിലാണ് ഹൈറ മറിയത്തെ കണ്ടെത്തിയത് .

ആശുപത്രിയിൽ എത്തിച്ചപ്പോഴേക്കും കുഞ്ഞ് മരിച്ചിരുന്നു. പോസ്റ്റുമോർട്ടത്തിന് ശേഷം കുടുംബത്തിന് മൃതദേഹം വിട്ടുനൽകും. മൃതദേഹം ആശുപത്രിയിലാണ് സൂക്ഷിച്ചിരിക്കുന്നത്. കുഞ്ഞിന്റെ വിയോഗത്തിന്റെ നടുക്കത്തിലാണ് ഉറ്റവർ.