സങ്കടക്കാഴ്ചയായി .. തൃശൂരിലെ എരുമപ്പെട്ടിയില്‍ സ്വകാര്യ ബസിടിച്ച് സൈക്കില്‍ യാത്രികന് ദാരുണാന്ത്യം. കുട്ടഞ്ചേരി സ്വദേശി കുന്നത്ത് വീട്ടില്‍ നാരായണന്‍കുട്ടി (74) ആണ് മരിച്ചത്. എരുമപ്പെട്ടി കുട്ടഞ്ചേരി പാടത്തിന് സമീപമാണ് അപകടമുണ്ടായത്. ഇന്ന് പുലര്‍ച്ചെയാണ് അപകടം നടന്നത്.

പുലര്‍ച്ചെ തൃശൂരിലേക്ക് സൈക്കിളില്‍ പാലുമായി പോകുന്നതിനിടെയാണ് ബസ് ഇടിച്ചത്. ഇന്‍ക്വസ്റ്റ് നടപടികള്‍ പൂര്‍ത്തിയാക്കി മൃതദേഹം പോസ്റ്റ്‌മോര്‍ട്ടത്തിനായി തൃശൂര്‍ മെഡിക്കല്‍ കോളേജിലെത്തിക്കും.

സംഭവത്തില്‍ പൊലീസ് അന്വേഷണം തുടങ്ങി. ഇടിച്ച സ്വകാര്യ ബസ് ഉള്‍പ്പെടെ കണ്ടെത്താനുള്ള അന്വേഷണമാണ് തുടങ്ങിയത്.