പുഷ്പ 2 റിലീസിനിടെ തിക്കിലും തിരക്കിലുംപെട്ട് സ്ത്രീ മരിച്ച സംഭവത്തില് അല്ലു അര്ജുന് അറസ്റ്റില്...
പുഷ്പ 2 റിലീസിനിടെ തിക്കിലും തിരക്കിലുംപെട്ട് സ്ത്രീ മരിച്ച സംഭവത്തില് അല്ലു അര്ജുന് അറസ്റ്റില്. ഹൈദരബാദ് പൊലീസാണ് അല്ലുവിനെ കസ്റ്റഡിയിലെടുത്ത്. ജൂബിലി ഹില്സിലെ വസതയില്വെച്ചായിരുന്നു അറസ്റ്റ്. പുഷ്പ 2 റിലീസിനോട് അനുബന്ധിച്ച് ഹൈദരാബാദിലെ സന്ധ്യ തിയറ്ററില് തിക്കിലും തിരക്കിലും പെട്ട് സ്ത്രീ മരിച്ചിരുന്നു.
പ്രീമിയര് ഷോയ്ക്ക് എത്തിയ അല്ലു അര്ജുനെ കാണാന് വലിയ ഉന്തും തള്ളുമുണ്ടായി. ആള്ക്കൂട്ടത്തെ നിയന്ത്രിക്കാന് പൊലീസ് ലാത്തി വീശി. ഇതിനിടയില് പെട്ടാണ് സ്ത്രീ മരിച്ചത്. ഒരു കുട്ടി അടക്കം രണ്ട് പേര് ബോധം കെട്ട് വീണു. ഇവരെ ഉടന് ആശുപത്രിയില് പ്രവേശിപ്പിച്ചു.
ദില്ഷുക്നഗര് സ്വദേശിനി രേവതി (39) യാണ് മരിച്ചത്. ഭര്ത്താവ് ഭാസ്കറിനും മക്കളായ തേജിനും (9) സാന്വിക്കും (7) ഒപ്പമാണ് സന്ധ്യ തിയറ്ററില് രേവതി പ്രീമിയര് ഷോ കാണാന് എത്തിയത്. തിക്കിലും തിരക്കിലും പെട്ട് വീണ് പോയ രേവതിക്ക് പോലീസ് ഉദ്യോഗസ്ഥര് അടക്കം എത്തി സിപിആര് നല്കിയെങ്കിലും ജീവന് രക്ഷിക്കാന് കഴിഞ്ഞില്ല.
"
https://www.facebook.com/Malayalivartha
