കട്ടന്‍ ചായയാണെന്ന് പറഞ്ഞ് പന്ത്രണ്ട് വയസുകാരന് മദ്യം നല്‍കിയ യുവതി പിടിയില്‍. വണ്ടിപ്പെരിയാര്‍ മ്ലാമല സ്വദേശി പ്രിയങ്കയാണ് പീരുമേട് പോലീസ് അറസ്റ്റ് ചെയ്തത്. കുട്ടിയെ കട്ടന്‍ ചായയാണെന്ന് പറഞ്ഞായിരുന്നു യുവതി മദ്യം കുടിപ്പിച്ചത്. മയങ്ങി വീണ കുട്ടി ഏറെ നേരം കഴിഞ്ഞാണ് അവശനായി വീട്ടിലെത്തുന്നത്.

മാതാപിതാക്കള്‍ കാര്യം തിരക്കിയപ്പോഴാണ് പ്രിയങ്ക മദ്യം നല്‍കിയതാണെന്ന് മനസ്സിലാക്കിയത്. സംഭവത്തില്‍ വീട്ടുകാര്‍ നല്‍കിയ പരാതിയുടെ അടിസ്ഥാനത്തില്‍ പോലീസ് നടത്തിയ അന്വേഷണത്തിലാണ് യുവതിയെ പിടികൂടിയത്. ജുവനൈല്‍ ജസ്റ്റിസ് ആക്ട് പ്രകാരം പ്രതിക്കെതിരെ കേസെടുക്കുകയായിരുന്നു. പ്രതിയെ കോടതിയില്‍ ഹാജരാക്കി.