സംസ്ഥാനത്തെ ക്ഷേമപെന്‍ഷന്‍ വിതരണം 27 മുതല്‍ ആരംഭിക്കും. ജൂണിലെ പെന്‍ഷനാണ് നല്‍കുന്നത്. 900 കോടി രൂപ അനുവദിച്ചു. 5 മാസത്തെ കുടിശിക ബാക്കിയുണ്ട്. ലോക്സഭാ തിരഞ്ഞെടുപ്പ് തോല്‍വിയുടെ പശ്ചാത്തലത്തില്‍ പെന്‍ഷന്‍ വിതരണം ഉള്‍പ്പെടെയുള്ള കാര്യങ്ങള്‍ ത്വരിതപ്പെടുത്തുമെന്നു സര്‍ക്കാര്‍ .


1600 രൂപ വീതമാണ് ഗുണഭോക്താക്കള്‍ക്ക് ലഭിക്കുകയെന്ന് മന്ത്രി കെ.എന്‍.ബാലഗോപാല്‍ . ബാങ്ക് അക്കൗണ്ട് നമ്പര്‍ നല്‍കിയിട്ടുള്ളവര്‍ക്ക് അക്കൗണ്ട് വഴിയും, മറ്റുള്ളവര്‍ക്ക് സഹകരണ സംഘങ്ങള്‍ വഴി നേരിട്ടു വീട്ടിലും എത്തിക്കും.

അതത് മാസം പെന്‍ഷന്‍ വിതരണത്തിന് നടപടി സ്വീകരിക്കുമെന്ന് ബജറ്റില്‍ പ്രഖ്യാപിച്ചിട്ടുണ്ടായിരുന്നു. ഇതനുസരിച്ച് മാര്‍ച്ച്, ഏപ്രില്‍, മേയ് മാസങ്ങളിലും പെന്‍ഷന്‍ നല്‍കിയിരുന്നുവെന്നു മന്ത്രി .