സങ്കടം അടക്കാനാവാതെ... പാലക്കാട് കുളിമുറിയില്‍ നിന്നും കുളിക്കുന്നതിനിടെ ഷോക്കേറ്റ് പത്താംക്‌ളാസുകാരന് ദാരുണാന്ത്യം. മേലെ പട്ടാമ്പി കോളേജ് സ്ട്രീറ്റില്‍ ഞാങ്ങാട്ടിരി പിണ്ണാക്കുംപറമ്പില്‍ മുഹമ്മദ് റിയാസുദ്ദിന്റെയും ഷാഹിദയുടെയും ഏകമകന്‍ ജാസിം റിയാസ്(15) ആണ് മരിച്ചത്.

ഇന്നലെ ഉച്ചയ്ക്ക് ശേഷമാണ് സംഭവം. കുളിമുറിയില്‍ വച്ച് ഷോക്കേറ്റ കുട്ടിയെ പട്ടാമ്പിയിലെ സ്വകാര്യ ആശുപത്രിയില്‍ ഉടനെ എത്തിച്ചു. പിന്നീട് ഒറ്റപ്പാലത്തെ സ്വകാര്യ ആശുപത്രിയില്‍ എത്തിച്ചെങ്കിലും പക്ഷെ ജീവന്‍ രക്ഷിക്കാനായി കഴിഞ്ഞില്ല.

ഇന്ന് രാവിലെ പോസ്റ്റ്മോര്‍ട്ടത്തിന് ശേഷം മൃതദേഹം കബറടക്കുന്നതാണ്. കൊണ്ടൂര്‍ക്കര മൗണ്ട് ഹിറ സ്‌കൂളിലെ പത്താംക്‌ളാസ് വിദ്യാര്‍ത്ഥിയായിരുന്നു ജാസിം.