രാജ്യാന്തര വിമാനത്താവളത്തിലെ എമിഗ്രേഷന് ഇന്റലിജന്സ് ബ്യൂറോ ഉദ്യോഗസ്ഥയുടെ മരണത്തില് കൂടുതല് വിവരങ്ങള് പുറത്ത്
തിരുവനന്തപുരം രാജ്യാന്തര വിമാനത്താവളത്തിലെ എമിഗ്രേഷന് ഇന്റലിജന്സ് ബ്യൂറോ ഉദ്യോഗസ്ഥ ട്രാക്കില് മരിച്ച നിലയില് കണ്ടെത്തിയ സംഭവത്തില് കൂടുതല് വിവരങ്ങള് പുറത്ത്. പത്തനംതിട്ട അതിരുങ്കല് കാരയ്ക്കാക്കുഴി പൂഴിക്കാട് വീട്ടില് റിട്ട.ഗവ.ഐ.ടി.ഐ പ്രിന്സിപ്പല് മധുസൂദനന്റെയും പാലക്കാട് കളക്ടറേറ്റ് ജീവനക്കാരി നിഷയുടെയും ഏക മകള് മേഘയാണ് (25) മരിച്ചത്. പേട്ടയ്ക്കും ചാക്കയ്ക്കും ഇടയിലെ ട്രാക്കില് ഇന്ന് രാവിലെ 9.15നാണ് മൃതദേഹം കണ്ടത്. നാട്ടുകാര് വിവരമറിയിച്ചതിനെ തുടര്ന്ന് പേട്ട പൊലീസെത്തി നടത്തിയ പരിശോധനയില് മൃതദേഹത്തിന് സമീപത്ത് നിന്ന് ബ്യുറോ ഒഫ് സിവില് ഏവിയേഷന്റെ ഐ.ഡി കാര്ഡ് കണ്ടത്തിയതിനെ തുടര്ന്നാണ് ആളെ തിരിച്ചറിഞ്ഞത്.
നൈറ്റ് ഡ്യൂട്ടി കഴിഞ്ഞ് ഇന്ന് രാവിലെ വിമാനത്താവളത്തില് നിന്നിറങ്ങിയതായിരുന്നു മേഘ. തിരുവനന്തപുരത്തേക്ക് വരിയായിരുന്ന ജയന്തി ജനത എക്സ്പ്രസാണ് ഇടിച്ചത്. ഫോണില് സംസാരിച്ച് ട്രാക്കിലൂടെ നടക്കുകയായിരുന്ന മേഘ ട്രെയിന് വരുന്നത് കണ്ട് പെട്ടെന്ന് ട്രാക്കിനു കുറകെ തലവച്ച് കിടക്കുകയായിരുന്നു എന്നാണ് ലോക്കാ പൈലറ്റ് നല്കിയ വിവരം.
ഐ.ബി ഉദ്യോഗസ്ഥയായതിനാല് പേട്ട പൊലീസ് വിശദമായ അന്വേഷണം നടത്തുന്നുണ്ട്. സംഭവ സമയം ആരോടാണ് ഫോണില് സംസാരിച്ചതെന്നും പരിശോധിക്കും. ട്രെയിന് തട്ടി ഫോണ് പൂര്ണമായി തകര്ന്നതിനാല് സൈബര് പൊലീസിന്റെ സഹായത്തോടെ വിവരങ്ങള് ശേഖരിക്കും. മെഡിക്കല് കോളേജ് ആശുപത്രിയില് പോസ്റ്റ്മോര്ട്ടത്തിന് ശേഷം മൃതദേഹം ബന്ധുക്കള്ക്ക് കൈമാറി.
https://www.facebook.com/Malayalivartha
