എറണാകുളത്ത് സിഐഎസ്എഫുകാര്‍ കാറിടിച്ചു യുവാവിനെ കൊലപ്പെടുത്തിയ കേസില്‍ ആഭ്യന്തര അന്വേഷണം ആരംഭിച്ചു. സിഐഎസ്എഫ് ഡിഐജി ആര്‍. പൊന്നിയുടെ നേതൃത്വത്തിലാണ് അന്വേഷണം.

കഴിഞ്ഞ ദിവസം രാത്രിയിലാണ് ഐവിന്‍ ജിജോയെ രണ്ട് സിഐഎസ്എഫുകാര്‍ കാറിടിച്ച് കൊലപ്പെടുത്തിയത്. അതേസമയം കേസില്‍ പ്രതികള്‍ക്കായി പൊലീസ് കസ്റ്റഡി അപേക്ഷ നല്‍കും. സിഐഎസ്എഫ് ഉദ്യോഗസ്ഥരായ വിനയകുമാര്‍ ദാസ്, മോഹന്‍ എന്നിവരെ അങ്കമാലി ജുഡീഷ്യല്‍ മജിസ്‌ട്രേറ്റ് കോടതി മേയ് 29 വരെ റിമാന്‍ഡ് ചെയ്തിരുന്നു.

കൊല്ലാന്‍ വേണ്ടിയാണ് കാറടിപ്പിച്ചത് എന്നാണ് റിമാന്‍ റിപ്പോര്‍ട്ടിലുള്ളത്. കാറിനടിയില്‍പ്പെട്ട ഐവിന്‍ ജിജോയെ 30 മീറ്ററില്‍ അധികമാണ് വലിച്ചിഴച്ചത്. പ്രതികള്‍ക്കെതിരെ കൊലക്കുറ്റമടക്കമുള്ള വകുപ്പുകള്‍ ചേര്‍ത്ത് ശിക്ഷ കടുപ്പിക്കണമെന്ന ആവശ്യം ശക്തമായിരിക്കുകയാണ്.