2025 26 അദ്ധ്യയന വര്‍ഷത്തെ പ്ലസ് വണ്‍ ക്ലാസ് ജൂണ്‍ 18ന് ആരംഭിക്കുമെന്ന് മന്ത്രി വി.ശിവന്‍കുട്ടി . 4,62,768 വിദ്യാര്‍ത്ഥികളാണ് ഓണ്‍ലൈനായി അപേക്ഷിച്ചിട്ടുള്ളത്.

സര്‍ക്കാര്‍, എയ്ഡഡ് സ്‌കൂളുകളിലെ മെറിറ്റ് ക്വാട്ടയിലെ 3,16,000 സീറ്റുകളിലേക്കാണ് അലോട്ട്മെന്റ്. എയ്ഡഡ് സ്‌കൂളുകളിലെ കമ്മ്യൂണിറ്റി ക്വാട്ട, മാനേജ്മെന്റ് ക്വാട്ട, അണ്‍ എയ്ഡഡ് ക്വാട്ട സീറ്റുകള്‍ ഉള്‍പ്പെടെ ആകെ 4,42,012 സീറ്റുകള്‍ ലഭ്യമാണ്. ആദ്യ അലോട്ട്മെന്റ് ജൂണ്‍ രണ്ടിന് വൈകിട്ട് അഞ്ചിന് പ്രസിദ്ധീകരിക്കുന്നതാണ്.

3ന് രാവിലെ 10 മുതല്‍ 5ന് വൈകിട്ട് അഞ്ചുവരെ പ്രവേശനം നേടാവുന്നതാണ്. മോഡല്‍ റസിഡന്‍ഷ്യല്‍ സ്‌കൂളുകളിലേക്കും സ്പോര്‍ട്‌സ് ക്വാട്ട പ്രവേശനത്തിനുള്ള അലോട്ട്മെന്റും ഇതോടൊപ്പം പ്രസിദ്ധീകരിക്കും. ജൂണ്‍ 10ന് രണ്ടാം അലോട്ട്മെന്റും 16ന് മൂന്നാം അലോട്ട്‌മെന്റും പ്രസിദ്ധീകരിച്ച് മുഖ്യഘട്ടങ്ങള്‍ പൂര്‍ത്തിയാക്കുമെന്നും മന്ത്രി .