സ്വര്‍ണവിലയില്‍ മാറ്റമില്ല. ഗ്രാമിന് 8935 രൂപയാണ് ഇന്നത്തെ വില. 71,480 രൂപയാണ് പവന്റെ വില. കഴിഞ്ഞ ദിവസം രണ്ട് തവണ സ്വര്‍ണവിലയില്‍ മാറ്റം വന്നിട്ടുണ്ടായിരുന്നു. രാവിലെ 360 രൂപ കൂടിയെങ്കിലും പിന്നീട് വില കുറഞ്ഞു. ഉച്ചക്ക് 480 രൂപയാണ് കുറഞ്ഞത്. 71,480 രൂപയായാണ് വില കുറഞ്ഞത്.

അതേസമയം, ലോകവിപണിയില്‍ ഇന്ന് സ്വര്‍ണവില ഉയര്‍ന്നു. സ്?പോട്ട് ഗോള്‍ഡിന്റെ വിലയില്‍ 0.3 ശതമാനം വര്‍ധനയാണ് ഉണ്ടായത്. ഔണ്‍സിന് 3,308.99 ഡോളറായാണ് വില ഉയര്‍ന്നത്. യു.എസ് ഗോള്‍ഡ് ഫ്യൂച്ചറിന്റെ നിരക്ക് 0.2 ശതമാനം ഉയര്‍ന്ന് 3,308.30 ഡോളറായാണ് ഉയര്‍ന്നത്.


അതേസമയംഇന്ത്യന്‍ ഓഹരികള്‍ ഇന്ന് തകര്‍ച്ചയോടെയാണ് വ്യാപാരം തുടങ്ങിയത്. ബോംബെ സൂചിക സെന്‍സെക്‌സില്‍ 150 പോയിന്റ് നഷ്ടമുണ്ടായി. നിഫ്റ്റി 24,800 പോയിന്റിന് താഴെയെത്തി. ഐ.ടി.സിയുടെ ഓഹരി വില നാല് ശതമാനം ഇടിഞ്ഞു.