സാങ്കേതിക, ഡിജിറ്റല് സര്വകലാശാല വൈസ് ചാന്സലര്മാരുടെ നിയമനം... ഗവര്ണര് രാജേന്ദ്ര ആര്ലേക്കറുമായി സംസ്ഥാന മന്ത്രിമാര് ഇന്ന് ചര്ച്ച നടത്തും...
സാങ്കേതിക, ഡിജിറ്റല് സര്വകലാശാല വൈസ് ചാന്സലര്മാരുടെ നിയമനവുമായി ബന്ധപ്പെട്ട് ഗവര്ണര് രാജേന്ദ്ര ആര്ലേക്കറുമായി സംസ്ഥാന മന്ത്രിമാര് ഇന്ന് ചര്ച്ച നടത്തുന്നതാണ്,. മന്ത്രിമാരായ പി രാജീവ്, ആര് ബിന്ദു എന്നിവരാണ് ഗവര്ണറുമായി കൂടിക്കാഴ്ചയ്ക്കെത്തുന്നത്. ഗവര്ണറുമായുള്ള ചര്ച്ചകള്ക്കായി മുഖ്യമന്ത്രി പിണറായി വിജയനാണ് ഇരുമന്ത്രിമാരെയും നിയോഗിച്ചത്.
വിസി നിയമനവുമായി ബന്ധപ്പെട്ട് ചര്ച്ചകള്ക്ക് സമ്മതമാണെന്ന് ഗവര്ണര് മുഖ്യമന്ത്രിയെ അറിയിച്ചിട്ടുണ്ടായിരുന്നു. ഇന്നുരാവിലെ രാജ്ഭവനില് മന്ത്രിമാരുമായി കൂടിക്കാഴ്ച നടത്താനാണ് അനുമതി നല്കിയിട്ടുള്ളത്.
വിസി നിയമനവുമായി ബന്ധപ്പെട്ട നടപടികള്ക്കായി ഉന്നത വിദ്യാഭ്യാസ പ്രിന്സിപ്പല് സെക്രട്ടറി ഡോ. ഷര്മിള മേരി ജോസഫിനോട് രാജ്ഭവനിലെത്താന് ഇന്നലെ ഗവര്ണര് നിര്ദേശിച്ചിട്ടുണ്ടായിരുന്നു.
എന്നാല് ഈ വിഷയത്തില് മന്ത്രിമാരായ രാജീവിനെയും ബിന്ദുവിനെയും മുഖ്യമന്ത്രി ചുമതലപ്പെടുത്തിയതിനാല്. ചര്ച്ചയ്ക്ക് എത്താനാകില്ലെന്ന് ഡോ. ഷര്മിള മേരിജോസഫ് രാജ്ഭവനെ അറിയിക്കുകയായിരുന്നു. സര്ക്കാരും ചാന്സലറായ ഗവര്ണറും തര്ക്കിക്കാതെ, പരസ്പരം സഹകരിച്ച് രണ്ടിടത്തും സ്ഥിരം വൈസ് ചാന്സലര്മാരെ നിയമിക്കണമെന്ന് സുപ്രീംകോടതി നിര്ദേശിച്ചിട്ടുണ്ടായിരുന്നു.
"
https://www.facebook.com/Malayalivartha
