കൊല്ലം ചടയമംഗലത്തെ ജടായു പാറയിലേക്ക് പ്രധാനമന്ത്രി നരേന്ദ്ര മോദി..അമ്പോ വമ്പൻ സർപ്രൈസ് പൊട്ടിച്ച് കേന്ദ്രമന്ത്രി സുരേഷ് ഗോപി..ജടായു പാറയും വീണ്ടും ശ്രദ്ധാകേന്ദ്രമായി..

ബോളിവുഡ് സിനിമ ‘രാമായണം’ പുറത്തിറങ്ങിയതോടെ ഹിറ്റായ കൊല്ലം ചടയമംഗലത്തെ ജടായു പാറയിലേക്ക് പ്രധാനമന്ത്രി നരേന്ദ്ര മോദി എത്തും. കേന്ദ്രമന്ത്രി സുരേഷ് ഗോപിയാണ് ഇക്കാര്യം മാധ്യമങ്ങളോടു പറഞ്ഞത്. ആദ്യം കേന്ദ്ര ടൂറിസം മന്ത്രി ഗജേന്ദ്രസിങ് ഷെഖാവത്ത് ജടായുപ്പാറ സന്ദർശിക്കുമെന്നും ജടായുപ്പാറയുടെ ശില്പ്പി രാജീവ് അഞ്ചലും കേന്ദ്രമന്ത്രിയുമായി ചർച്ചകൾ നടന്നെന്നും സുരേഷ് ഗോപി പറഞ്ഞു.
ഡൽഹി ബിനാലെയിൽ ജടായുവിന്റെ സാന്നിധ്യം വേണമെന്ന് അറിയിച്ചിട്ടുണ്ട്. അതിനുള്ള നീക്കങ്ങളും നടക്കുന്നുണ്ട്.
കേന്ദ്ര ടൂറിസം മന്ത്രിയുടെ സന്ദർശനത്തിനുശേഷം പ്രധാനമന്ത്രി കൊല്ലത്ത് എത്തുമെന്നും സുരേഷ് ഗോപി വ്യക്തമാക്കി. എന്നാൽ ഇരുവരുടെയും സന്ദർശന തീയതി ഇതുവരെ നിശ്ചയിച്ചിട്ടില്ല.സിനിമ ഹിറ്റായതോടെ ദിനംപ്രതി നിരവധി ആളുകളാണ് ജടായു എർത്ത് സെന്ററിലേക്ക് എത്തുന്നത്. പ്രതിദിനം ശരാശരി 2,500 സന്ദർശകർ എത്തുന്ന കേന്ദ്രത്തിൽ അടുത്തിടെ ഒരു ദിവസം സന്ദർശകരുടെ എണ്ണം 7,000 വരെയെത്തി. 2018 ലാണ് ശിൽപിയും സംവിധായകനുമായ രാജീവ് അഞ്ചലിന്റെ നേതൃത്വത്തിൽ ജടായു ശിൽപം പൂർത്തിയായത്. നിലവിൽ പ്രതിദിനം 7,000 മുതൽ 10,000 വരെ സന്ദർശകരെ മാത്രമേ പ്രവേശിപ്പിക്കാനാകൂ.
റോപ്വേ വഴി പാറമുകളിലെത്താൻ 640 രൂപയും കാൽനടയായി കയറാൻ 350 രൂപയുമാണ് ടിക്കറ്റ് നിരക്ക്.ജടായുപ്പാറ കേവലം ഒരു വിനോദസഞ്ചാര കേന്ദ്രമല്ല. പുരാണവും ചരിത്രവും പ്രകൃതിയും ശിൽപകലയും ഒത്തുചേരുന്ന അപൂർവ ഇടമാണിത്. രാവണനിൽ നിന്ന് സീതയെ രക്ഷിക്കാൻ ജീവൻ പണയപ്പെടുത്തി പോരാടിയ ജടായുവിൻ്റെ ത്യാഗസ്മരണയ്ക്ക് രാജീവ് അഞ്ചൽ നൽകിയ ശിൽപഭാഷയാണ് ഇവിടുത്തെ കൂറ്റൻ പക്ഷിശിൽപം. സീതയെ തട്ടിക്കൊണ്ടുപോകുന്നതിനിടെ രാവണൻ്റെ വെട്ടേറ്റ് ചിറകറ്റ ജടായു ഈ പാറയ്ക്ക് മുകളിൽ വീണുവെന്നാണ് ഐതിഹ്യം.
പാറമുകളിലുള്ള ഐതിഹ്യവുമായി ബന്ധപ്പെട്ട ചെറിയ ജലാശയവും ശ്രീരാമൻ്റെ കാൽപ്പാടായി വിശ്വസിക്കപ്പെടുന്ന അടയാളവും ഈ പ്രദേശത്തിൻ്റെ പ്രാധാന്യം വർധിപ്പിക്കുന്നു.ബോളിവുഡ് ചിത്രമായ രാമായണം പുറത്തിറങ്ങിയതിനു പിന്നാലെ കേരളത്തിലെ ജടായുപ്പാറയ്ക്ക് ദേശീയതലത്തിൽ പ്രസക്തിയേറി. സിനിമയുടെ പ്രദർശനത്തോടെ വിനോദസഞ്ചാരികളുടെ എണ്ണത്തിൽ വൻ വർധനവാണ് രേഖപ്പെടുത്തുന്നത്. സാധാരണ ദിവസങ്ങളിൽ ശരാശരി 2500 സന്ദർശകർ എത്തിയിരുന്ന ഇവിടെ ഇപ്പോൾ പ്രതിദിനം ഏകദേശം 7000 പേർ എത്തുന്നുണ്ട്.
അതെ സമയം സോഷ്യൽ മീഡിയയിലും ചില തർക്കങ്ങൾ നടക്കുന്നുണ്ട് . ജടായു കൊല്ലത്തുകാരനാണോ ആന്ധ്രക്കാരനാണോ എന്ന ചോദ്യമാണ് ഇപ്പോൾ സമൂഹമാധ്യമങ്ങളിൽ ചിരിയും ട്രോളുകളും നിറയ്ക്കുന്നത്.ഇന്ത്യൻ സിനിമയിലെ ഏറ്റവും ചെലവേറിയ ചിത്രങ്ങളിലൊന്നായ 'രാമായണ'യിൽ രാമനായി രൺബീർ കപൂറും സീതയായി സായ് പല്ലവിയുമാണ് എത്തുന്നത്.
https://www.facebook.com/Malayalivartha

























