തീരദേശത്തിന് ആശ്വാസമില്ല: അക്വാന് പിന്നാലെ വീണ്ടും ചുഴലിക്കാറ്റ് ഭീഷണി; മുന്നറിയിപ്പുമായി കാലാവസ്ഥാ നിരീക്ഷകർ...

അക്വാൻ ചുഴലിക്കാറ്റ് കരതൊട്ടതിന് പിന്നാലെ ബംഗാൾ ഉൾക്കടലിൽ വീണ്ടും ഒരു ചുഴലിക്കാറ്റിന് സാധ്യത തെളിയുന്നതായാണ് പുതിയ കാലാവസ്ഥാ റിപ്പോർട്ടുകൾ സൂചിപ്പിക്കുന്നത്. ഈ മാസം അവസാനത്തോടെ ബംഗാൾ ഉൾക്കടലിൽ പുതിയൊരു ന്യൂനമർദ്ദം രൂപപ്പെടാൻ സാധ്യതയുണ്ടെന്നും, ഇത് ശക്തിപ്രാപിച്ച് ചുഴലിക്കാറ്റായി മാറുകയാണെങ്കിൽ 'കാനി' (Kaani) എന്നായിരിക്കും അറിയപ്പെടുകയെന്നും കാലാവസ്ഥാ നിരീക്ഷകർ വ്യക്തമാക്കുന്നു. മാലദ്വീപ് നിർദ്ദേശിച്ച പേരാണിത്. നിലവിൽ അക്വാൻ ചുഴലിക്കാറ്റ് തീവ്രത കുറഞ്ഞ് കരയിലേക്ക് നീങ്ങുമ്പോഴും, തുടർച്ചയായി രൂപപ്പെടുന്ന ന്യൂനമർദ്ദങ്ങൾ ദക്ഷിണേന്ത്യൻ സംസ്ഥാനങ്ങളിലും കേരളത്തിലും വരും ദിവസങ്ങളിൽ മഴയ്ക്ക് കാരണമായേക്കും.
https://www.facebook.com/Malayalivartha

























