രാജ്യത്തിന്റെ സാമ്പത്തിക സുരക്ഷയ്ക്ക് വലിയ ഭീഷണിയുയർത്തുന്ന രണ്ട് പ്രധാന കുറ്റകൃത്യങ്ങളാണ് അനധികൃത സ്വർണക്കടത്തും കള്ളപ്പണം വെളുപ്പിക്കലും..ഇ ഡി യുടെ ഈ വമ്പൻ റെയ്ഡിന് പിന്നിലെ യഥാർത്ഥ ലക്ഷ്യം..?

രാജ്യത്തിന്റെ സാമ്പത്തിക സുരക്ഷയ്ക്ക് വലിയ ഭീഷണിയുയർത്തുന്ന രണ്ട് പ്രധാന കുറ്റകൃത്യങ്ങളാണ് അനധികൃത സ്വർണക്കടത്തും (Gold Smuggling) കള്ളപ്പണം വെളുപ്പിക്കലും (Money Laundering). അടുത്തകാലത്തായി സംസ്ഥാനത്ത് എൻഫോഴ്സ്മെന്റ് ഡയറക്ടറേറ്റിന്റെ (ED) നേതൃത്വത്തിൽ നടക്കുന്ന വ്യാപകമായ പരിശോധനകൾ വലിയ ചർച്ചകൾക്കാണ് വഴിവെച്ചിരിക്കുന്നത്. കേവലം കടത്തുകാരെ പിടികൂടുന്നതിനപ്പുറം, ഈ ശൃംഖലയ്ക്ക് സാമ്പത്തിക സഹായം നൽകുന്ന വമ്പൻ സ്രാവുകളെയും കള്ളപ്പണ ഇടപാടുകാരെയും കണ്ടെത്തുക എന്നതാണ് കേന്ദ്ര ഏജൻസികളുടെ ഈ നീക്കത്തിന് പിന്നിലെ പ്രധാന ലക്ഷ്യം.
വിദേശത്തുനിന്ന് നികുതി വെട്ടിച്ച് സ്വർണം കടത്തുന്നത് രാജ്യത്തിന്റെ ഖജനാവിന് കോടിക്കണക്കിന് രൂപയുടെ നഷ്ടമാണ് ഉണ്ടാക്കുന്നത്. കസ്റ്റംസ് തീരുവ ഒഴിവാക്കി വിപണിയിലെത്തുന്ന ഇത്തരം സ്വർണം രാജ്യത്തെ നിയമപരമായ വ്യാപാര മേഖലയെ തകർക്കുകയും കള്ളപ്പണത്തിന്റെ ഒഴുക്ക് വർദ്ധിപ്പിക്കുകയും ചെയ്യുന്നു. സ്വർണക്കടത്തിലൂടെ ലഭിക്കുന്ന അനധികൃത പണം റിയൽ എസ്റ്റേറ്റ്, ബിനാമി നിക്ഷേപങ്ങൾ, ഹവാല ഇടപാടുകൾ എന്നിവയിലൂടെ വെളുപ്പിക്കപ്പെടുന്നുണ്ട്. ഇതിന്റെ ഉറവിടം തേടിയാണ് ഇ.ഡി. കള്ളപ്പണം വെളുപ്പിക്കൽ നിരോധന നിയമപ്രകാരം (PMLA) പരിശോധനകൾ ശക്തമാക്കുന്നത്.ഇന്ന് നമ്മൾ രാവിലെ കേട്ടതും ആ വാർത്തയാണ് .
അഞ്ചു ജില്ലകളിലാണ് ഇ ഡി ഇന്ന് ഒരേ സമയം വല വിരിച്ചത്. ഇപ്പോഴും തുടരുകയാണ് .സംസ്ഥാനത്തെ വിവിധ ജില്ലകളിൽ എൻഫോഴ്സ്മെന്റ് ഡയറക്ടറേറ്റിന്റെ വ്യാപക പരിശോധന. കാസർകോട്, കണ്ണൂർ, കോഴിക്കോട്, തിരുവനന്തപുരം എന്നീ ജില്ലകളിലെ വിവിധ കേന്ദ്രങ്ങളില് ഇന്നു പുലർച്ചെ അഞ്ചു മണിയോടെ ആരംഭിച്ച പരിശോധന ഇപ്പോഴും തുടരുകയാണ്. വിദേശനാണ്യ വിനിമയ ചട്ടലംഘനം (ഫെമ), സ്വർണക്കടത്ത്, ഹവാല ഇടപാടുകൾ എന്നിവയുമായി ബന്ധപ്പെട്ട് റജിസ്റ്റർ ചെയ്ത കേസുകളുടെ തുടരന്വേഷണത്തിന്റെ ഭാഗമായാണ് നടപടി എന്നാണ് ഇ.ഡി വൃത്തങ്ങൾ നൽകുന്ന വിവരം.
കാസർകോട് തളങ്കരയുള്ള സ്വർണവ്യാപാരിയുടെ വീട്ടിൽ രാവിലെ അഞ്ചു മണിയോടെയാണ് ഇ.ഡി സംഘം എത്തി പരിശോധന ആരംഭിച്ചത്. വിദേശത്തു സ്വർണ വ്യാപാരം നടത്തുന്ന ഇദ്ദേഹം മാസത്തിൽ രണ്ടോ മൂന്നോ തവണ വിദേശ യാത്രകൾ നടത്തുന്ന ആളാണെന്നും പറയപ്പെടുന്നു. കോഴിക്കോട് ജില്ലയിൽ രണ്ടിടങ്ങളിൽ ഒരേസമയം റെയ്ഡ് നടക്കുന്നുണ്ട്. കൊയിലാണ്ടിയിലും കുന്ദമംഗലത്തുമായാണ് പരിശോധന പുരോഗമിക്കുന്നത്. ഇതിൽ കൊയിലാണ്ടിയിൽ ഒരു മത്സ്യത്തൊഴിലാളിയുടെ വീട്ടിലാണ് ഇ.ഡി സംഘം പരിശോധനയ്ക്ക് എത്തിയത്. ഇ.ഡിക്ക് വിലാസം മാറിപ്പോയതാകാൻ സാധ്യതയുണ്ടെന്നാണു നാട്ടുകാർ ഇക്കാര്യത്തിൽ പറയുന്നത്.
https://www.facebook.com/Malayalivartha


























