ബെംഗളൂരുവില് മലയാളി വിദ്യാര്ഥിനി പീഡനത്തിനിരയായി
ബെംഗളൂരുവില് മലയാളി വിദ്യാര്ഥിനിയെ പീഡിപ്പിച്ച കേസില് കോഴിക്കോട് സ്വദേശിയായ യുവാവ് പിടിയില്. സ്വകാര്യ ഹോസ്റ്റല് ഉടമകൂടിയാണ് അറസ്റ്റിലായ കോഴിക്കോട് സ്വദേശി അഷറഫ്. സോളദേവനഹള്ളി ആചാര്യ കോളജിലെ ഒന്നാം വര്ഷ ബിരുദ വിദ്യാര്ഥിനിയാണ് ബലാത്സംഗത്തിനിരയായത്.
ബലമായി കാറില് കയറ്റി നിര്മാണം നടക്കുന്ന കെട്ടിടത്തില് എത്തിച്ച് ബലാത്സംഗം ചെയ്തെന്നാണ് പരാതി. ഇക്കഴിഞ്ഞ വെള്ളിയാഴ്ച രാത്രിയായിരുന്നു സംഭവം. കോളജില് അഡ്മിഷന് ലഭിച്ച് 10 ദിവസം കഴിഞ്ഞപ്പോഴാണ് വിദ്യാര്ഥിനി ബെംഗളൂരുവില് എത്തിയത്. പ്രതി അഷറഫിന്റെ ഉടമസ്ഥതയിലുള്ള സ്വകാര്യ പി ജിയിലായിരുന്നു വിദ്യാര്ത്ഥിനി താമസിച്ചിരുന്നത്. എന്നാല് ഇയാള് മദ്യപിച്ചെത്തി വിദ്യാര്ഥിനിയുടെ മുറിയില് കയറി ബലം പ്രയോഗിച്ച് കാറില് കയറ്റുകയും, തൊട്ടടുത്ത് നിര്മാണം നടക്കുന്ന പി ജി കെട്ടിടത്തിലേക്ക് പിടിച്ചുകൊണ്ടുപോകുകയായിരുന്നു. പിന്നീട് പെണ്കുട്ടി തന്റെ സുഹൃത്തുകള്ക്ക് മെസ്സേജ് അയച്ച് ഈ പ്രദേശത്തേക്ക് വിളിച്ചുവരുത്തുകയായിരുന്നു. ഈ സമയം അഷറഫ് കാറില് കയറി രക്ഷപെട്ടു.
പൊലീസിനെ വിവരം അറിയിച്ചതിനെ തുടര്ന്ന് നടത്തിയ അന്വേഷണത്തിലാണ് പുലര്ച്ചയോടെ ഇയാളെ സോളദേവനഹള്ളി പരിസരത്ത് നിന്ന് പിടികൂടുന്നത്. ഇയാള്ക്കെതിരെ മുന്പും പരാതികള് ഉയര്ന്നുവന്നിരുന്നു. ഇയാളുടെ കീഴില് പ്രവര്ത്തിക്കുന്ന, പി ജിയില് താമസമാക്കിയ വിദ്യാര്ഥികളോട് മോശമായ രീതിയില് പെരുമാറിയെന്നാണ് പരാതി. നിലവില് ഇയാള്ക്കെതിരെ ബലാത്സംഗ കുറ്റം ചുമത്തി സോളദേവനഹള്ളി പൊലീസ് അറസ്റ്റ് ചെയ്തിരിക്കുകയാണ്. ബലാത്സംഗത്തിനിരയായ പെണ്കുട്ടിയെ സാരമായ പരുക്കുകളോടെ ആശുപത്രിയില് പ്രവേശിപ്പിച്ചു.
https://www.facebook.com/Malayalivartha
