മുക്കം ഇരുവഴിഞ്ഞി പുഴയിലെ പതങ്കയം വെള്ളച്ചാട്ടത്തില്‍ വിദ്യാര്‍ഥി ഒഴുക്കില്‍പ്പെട്ടു കാണാതായി. പ്ലസ് വണ്‍ വിദ്യാര്‍ത്ഥിയായ അലന്‍ അഷ്‌റഫിനെയാണ് കാണാതായത്. മുക്കം ഫയര്‍ഫോഴ്‌സുംനാട്ടുകാരും പൊലീസും ചേര്‍ന്ന് കുട്ടിക്കായി തിരച്ചില്‍ ശക്തമാക്കി. മഞ്ചേരിയില്‍ നിന്ന് വന്ന ആറംഗ സംഘത്തിലെ അംഗമാണ് കാണാതായ അലന്‍.

സുഹൃത്തുക്കളോടൊപ്പം പുഴയില്‍ കുളിക്കാനിറങ്ങിയതായിരുന്നു അലന്‍. ശക്തമായ ഒഴുക്കുള്ള പ്രദേശമാണ് പതങ്കയം. പാറക്കെട്ടുകള്‍ നിറഞ്ഞ പ്രദേശമായതിനാല്‍ കാല്‍ വഴുതി വീണതാവാമെന്നാണ് പ്രാഥമിക നിഗമനം. ശക്തമായ ഒഴുക്കും പ്രതികൂല കാലാവസ്ഥയും തിരച്ചിലിന് തടസം സൃഷ്ട്ടിക്കുണ്ട്. പ്രദേശത്ത് അപകടങ്ങള്‍ പതിവായതിനാല്‍ പുഴയില്‍ ഇറങ്ങുന്നതിന് അധികൃതര്‍ വിലക്കേര്‍പ്പെടുത്തിയിട്ടുണ്ട്. ഈ മുന്നറിയിപ്പുകള്‍ അവഗണിച്ചാണ് പലരും പുഴയില്‍ ഇറങ്ങാറുള്ളത്.