പരീക്ഷയില്‍ മാര്‍ക്ക് കുറഞ്ഞതിന് എട്ടാം ക്ലാസ് വിദ്യാര്‍ഥി ജനല്‍ കമ്പിയില്‍ തൂങ്ങിമരിച്ചു
കണ്ണൂരില്‍ എട്ടാം ക്ലാസ് വിദ്യാര്‍ഥിയെ തൂങ്ങിമരിച്ച നിലയില്‍ കണ്ടെത്തി. പരിയാരം പിലാത്തറയില്‍ എട്ടാം ക്ലാസ് വിദ്യാര്‍ഥിയാണ് ആത്മഹത്യ ചെയ്തത്. പരീക്ഷയില്‍ മാര്‍ക്ക് കുറഞ്ഞതിലെ മനോവിഷമത്തിലാണ് ആത്മഹത്യയെന്നാണ് നിഗമനം. പെരിയാട്ട് വാടക വീട്ടില്‍ താമസിക്കുന്ന രാജേഷ് – വിജിന ദമ്പതികളുെട മകന്‍ അജുല്‍രാജ് (13) ഇന്നലെ വൈകിട്ടാണ് വീട്ടിലെ ജനല്‍കമ്പിയില്‍ തൂങ്ങിമരിച്ചത്. മാര്‍ക്കു കുറഞ്ഞതിനു സ്‌കൂളില്‍നിന്നു വഴക്കുപറയുമോ എന്ന് അജുലിനു പേടിയുണ്ടായിരുന്നെന്ന് ബന്ധുക്കള്‍ പറഞ്ഞു.
ഉച്ചഭക്ഷണത്തിനു ശേഷം അമ്മ വിജിനയും ഇളയ മകളും വിശ്രമിക്കാന്‍ കിടക്കുകയായിരുന്നു. വൈകിട്ട് അഞ്ച് മണിയോടെ ഇവര്‍ എഴുന്നേറ്റപ്പോഴാണ് അജുല്‍രാജിനെ ജനല്‍ കമ്പിയില്‍ തൂങ്ങിയ നിലയില്‍ കണ്ടത്. പിലാത്തറ മേരിമാതാ ഇംഗ്ലിഷ് മീഡിയം സ്‌കൂളിലെ വിദ്യാര്‍ഥിയാണ്. പോസ്റ്റ്‌മോര്‍ട്ടത്തിന് ശേഷം മൃതദേഹം കണ്ണൂര്‍ പയ്യാമ്പലത്ത് സംസ്‌കരിക്കും.
https://www.facebook.com/Malayalivartha
