എന്ത് കൊണ്ടാണ് രാഷ്ട്രീയ നേതാക്കന്മാരുടെ വീട്ടിൽ പ്രശ്നം വരുമ്പോൾ പൊതുസമൂഹം ഇട്ട് അലക്കുന്നത് എന്ന് ചോദിച്ചാൽ അതിന് ഒറ്റ കാര്യമേ ഉളളൂ. അവനവന്റെ വീട് നന്നാക്കാൻ പറ്റാത്തവർ എങ്ങനെ നാട് നന്നാക്കും എന്ന സിംപിൾ ലോജിക്; നിർണായകമായ ഫേസ്ബുക്ക് കുറിപ്പ് പങ്കു വച്ച് അഞ്ജു പാർവതി പ്രഭീഷ്. അദ്ദേഹത്തിന്റെ ഫേസ്‍ബുക്ക് കുറിപ്പിന്റെ പൂർണ്ണ രൂപം ഇങ്ങനെ ;-

സഹോദരൻ ഒരു വ്യക്തിയാണ്, ഞാൻ മറ്റൊരു വ്യക്തിയാണ്. എന്റെ രാഷ്ട്രീയത്തെ വിമർശിക്കുകയും പരിഹസിക്കുകയും ചെയ്യുന്ന ആളാണ് സഹോദരൻ'.

പി കെ ഫിറോസ്!!

അയിന്?? ഈ ലോജിക് വച്ചാണെങ്കിൽ സഖാവ് കൊടിയേരി ബാലകൃഷ്ണൻ വേറെ വ്യക്തിയാണ്, മകൻ ബിനീഷ് വേറെ വ്യക്തിയാണ്. എന്നിട്ട് ഇതേ ലോജിക് വച്ചാണോ അന്ന് നിങ്ങൾ പ്രതികരിച്ചത്??? ഇതേ പോലൊരു കേസ് ആയിരുന്നല്ലോ പ്രതിഭ എം എൽ എ യുടെ മകന്റേതും. അവിടെയും അവർ രണ്ട് വ്യക്തികൾ എന്ന ലോജിക് നോക്കിയോ?? ഇല്ല

MDMA ലഹരി കേസിൽ വിഷ്ണു പുരം ചന്ദ്രശേഖരന്റെ മകനെ പോലീസ് അറസ്റ്റ് ചെയ്തപ്പോഴും അച്ഛൻ വേറെ മകൻ വേറെ എന്ന ലോജിക് ഒന്നും ആരും എടുത്തില്ല. രാഷ്ട്രീയം അങ്ങനൊക്കെയാണ്. കിട്ടുന്ന അവസരം വച്ച് പരമാവധി അങ്ങോട്ടും ഇങ്ങോട്ടും ഇട്ട് പണിയും. ചിലപ്പോഴൊക്കെ ഒരു empathy യും ഇല്ലാതെ. അതൊക്കെ നേരിടാൻ കെൽപ്പ് ഉണ്ടെങ്കിൽ മാത്രമേ രാഷ്ട്രീയത്തിൽ ഇറങ്ങാവൂ.

എന്ത് കൊണ്ടാണ് രാഷ്ട്രീയ നേതാക്കന്മാരുടെ വീട്ടിൽ പ്രശ്നം വരുമ്പോൾ പൊതുസമൂഹം ഇട്ട് അലക്കുന്നത് എന്ന് ചോദിച്ചാൽ അതിന് ഒറ്റ കാര്യമേ ഉളളൂ. അവനവന്റെ വീട് നന്നാക്കാൻ പറ്റാത്തവർ എങ്ങനെ നാട് നന്നാക്കും എന്ന സിംപിൾ ലോജിക്.

സഹോദരന്റെ പേരിൽ പോലീസ് കേസ് എടുത്തിരിക്കുന്നത് ലഹരിയുമായി ബന്ധപ്പെട്ട് അല്ല എന്നാണ് ഫിറോസ് പറയുന്നത്. മറിച്ച് പോലീസിന്റെ കൃത്യ നിർവഹണം തടസ്സപ്പെടുത്തിയതിനും പോലീസിനെ ആക്രമിച്ചതിനുമാണ് കേസ് എന്ന് പറയുന്നു. എന്തായാലും സത്യം പുറത്ത് വരട്ടെ. എന്തായാലും അപ്പോഴും ഇപ്പോഴും എപ്പോഴും ഒന്നേ പറയാനുള്ളൂ - Narcotics is a dirty business !! അത്‌ ലവൻ ചെയ്താലും ലിവൻ ചെയ്താലും മറ്റവൻ ചെയ്താലും.