ഹോസ്ദുര്ഗ് മുന് എംഎല്എ എം നാരായണന് അന്തരിച്ചു....
ഹോസ്ദുര്ഗ് മുന് എംഎല്എ എം നാരായണന് അന്തരിച്ചു. 69 വയസായിരുന്നു. കോഴിക്കോട് മെഡിക്കല് കോളേജില് ആണ് അന്ത്യം. 2001 ലും 2006 ലും ആയി രണ്ടുതവണ പിന്നീട് കാഞ്ഞങ്ങാട് മണ്ഡലമായി മാറിയ ഹോസ്ദുര്ഗില് നിന്ന് നിയമസഭയിലേക്ക് തിരഞ്ഞെടുക്കപ്പെട്ടിരുന്നു.
ഹൃദയസംബന്ധമായ അസുഖം അടക്കം പല ആരോഗ്യ പ്രശ്നങ്ങളും ഉണ്ടായിരുന്നു .തപാല് വകുപ്പ് ജീവനക്കാരനായിരിക്കെ ജോലി രാജി വെച്ചാണ് എംഎല്എ സ്ഥാനത്തേക്ക് മത്സരിച്ചത്.
2014 മുതല് 2019 വരെ ബേഡകം ഡിവിഷനില് ജില്ലാ പഞ്ചായത്ത് അംഗമായിരുന്നു. സി പി ഐ ജില്ലാ കൗണ്സില് അംഗം, സി പി ഐ കാഞ്ഞങ്ങാട് മണ്ഡലം സെക്രട്ടറി, കര്ഷക തൊഴിലാളി ഫെഡറേഷന് സംസ്ഥാന സെക്രട്ടറി, ആദിവാസി മഹാസഭ സംസ്ഥാന സെക്രട്ടറി, ബി കെ എം യു ജില്ലാ പ്രസിഡന്റ് തുടങ്ങി വിവിധ നിലകളില് പ്രവര്ത്തിച്ചിട്ടുണ്ട അദ്ദേഹം.
പരേതരായ മാവുവളപ്പില് ചന്തന്റെയും വെള്ളച്ചിയുടേയും മകനാണ്. ഭാര്യ: കെ.എം.സരോജിനി (റിട്ട. ആരോഗ്യവകുപ്പ് ജീവനക്കാരി) മക്കള്: എന് ഷീന (ഹെല്ത്ത് ഇന്സ്പെക്ടര്, കാസര്കോട് നഗരസഭ), ഷിംജിത്ത് ( ഫോക്ലോര് പരിശീലകന്, നാടന്പാട്ട് തെയ്യം കലാകാരന്), ഷീബ.
"
https://www.facebook.com/Malayalivartha
