നിയമസഭാ തിരഞ്ഞെടുപ്പ്: ചര്ച്ചകള്ക്കൊടുവില് എറണാകുളത്ത് സിപിഎം അന്തിമ പട്ടിക തയ്യാറായി
തെരഞ്ഞെടുപ്പ് ചര്ച്ചകള്ക്കൊടുവില് എറണാകുളത്തെ സിപിഎം അന്തിമ സ്ഥാനാര്ഥി പട്ടിക തയ്യാറായി. തൃപ്പൂണിത്തുറയില് സി.എം.ദിനേശ് മണിയാവും മല്സരിക്കുക. കളമശേരിയില് മുന് എംഎല്എ എ.എം.യൂസഫും, തൃക്കാക്കരയില് സെബാസ്റ്റ്യന്പോളും മല്സരിക്കും. കുന്നത്തുനാട്ടില് ഷിജി ശിവജി, എറണാകുളത്ത് എം.അനില്കുമാര്, കൊച്ചിയില് എ.െജ.മാക്സി, പിറവത്ത് എം.ജെ.ജേക്കബ് എന്നിവര് മല്സരിക്കുന്ന കാര്യത്തില് നേരത്തെ തന്നെ ധാരണയായിരുന്നു.
സംസ്ഥാന സെക്രട്ടറി കോടിയേരി ബാലകൃഷ്ണന്റെ സാന്നിധ്യത്തില് ചേര്ന്ന ജില്ലാ സെക്രട്ടേറിയറ്റ് യോഗമാണ് അന്തിമ സ്ഥാനാര്ഥി പട്ടിക തയ്യാറാക്കിയത്. ഘടകകക്ഷികളുമായുളള സീറ്റ് ധാരണയ്ക്കുശേഷം മാത്രമേ പി.സി.ജോര്ജടക്കമുളളവരുടെ കാര്യത്തില് തീരുമാനമെടുക്കൂ എന്നും, മല്സരിക്കാനില്ലെന്ന കെപിഎസി ലളിതയുടെ അഭിപ്രായം സംസ്ഥാന സെക്രട്ടേറിയറ്റ് ചര്ച്ച ചെയ്യുമെന്നും കോടിയേരി അറിയിച്ചു. ഈ മാസം 26 ന് ചേരുന്ന സംസ്ഥാന സെക്രട്ടേറിയറ്റ് യോഗമാവും സ്ഥാനാര്ഥികളുടെ കാര്യത്തില് അന്തിമ തീരുമാനമെടുക്കൂക എന്നും കോടിയേരി വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
