ഇനി മിസ്ഡ്‌കോള്‍ അടിച്ചാല്‍ പിണറായി മാത്രമല്ല, വി.എസ് അച്യുതാനന്ദനും നിങ്ങളെ തിരിച്ചുവിളിക്കും, അഴിമതിക്ക് എതിരെ എല്‍.ഡി.എഫിനൊപ്പം അണിചേരാന്‍ ആഹ്വാനം ചെയ്യും. വരാനിരിക്കുന്ന നിയമസഭാ തെരഞ്ഞെടുപ്പിന് മുന്നോടിയായി എല്‍.ഡി.എഫ് നടത്തുന്ന പ്രചരണത്തിന്റെ ഭാഗമായാണിത്.എല്‍.ഡി.എഫിന്റെ തെരഞ്ഞെടുപ്പ് പ്രചരണ വിഭാഗത്തിന്റെ'8826262626' എന്ന നമ്പരാണ് ഇതിനായി ഉപയോഗിക്കുന്നത്. ഈ നമ്പരിലേക്ക് മിസ്ഡ്‌കോള്‍ അടിച്ചാല്‍ സെക്കന്‍ഡുകള്‍ക്കകം മറ്റൊരു നമ്പരില്‍നിന്ന് നിങ്ങള്‍ക്ക് കോള്‍ ലഭിക്കും. മറുവശത്ത് സ്വയം പരിചയപ്പെടുത്തുന്ന വി.എസിന്റെ ശബ്ദം നിങ്ങള്‍ക്ക് കേള്‍ക്കാം.വി.എസിന്റെ ശബ്ദം റെക്കോര്‍ഡ് ചെയ്ത് സൂക്ഷിച്ച് സാങ്കേതിക വിദ്യയുടെ സഹായത്തോടെയാണ് സംഭാഷണം തയ്യാറാക്കിയിരിക്കുന്നത്. വി.എസിന്റെ ആഹ്വാനം ഇങ്ങനെ:

' ഞാന്‍ വി.എസ് അച്യുതാനന്ദന്‍. അഴിമതികൊണ്ട് നിങ്ങള്‍ പൊറുതി മുട്ടിയില്ലേ?. നൂറു രൂപയുടെ പദ്ധതിക്ക് 70 രൂപയും പോക്കറ്റിലേക്ക് പോകുമ്പോള്‍ തകരുന്നത് സാധാരണക്കാരുടെ സ്വപ്‌നങ്ങളാണ്. തടസപ്പെടുന്നത് നാടിന്റെ പുരോഗതിയാണ്. ഈ പ്രവണത നമ്മുക്ക് തടഞ്ഞേ തീരൂ. അഴിമതി രഹിത കേരളത്തിന് അണിചേരൂ എല്‍.ഡി.എഫിനൊപ്പം'.

ഫോണിലൂടെ മുമ്പ് പിണറായി വിജയന്‍ വോട്ടഭ്യര്‍ത്ഥിക്കാന്‍ ഉപയോഗിച്ചിരുന്നതും ഇതേ നമ്പര്‍ തന്നെയായിരുന്നു. ഉത്തരവാദിത്തവും മനുഷ്യത്വവുമുള്ള വികസനത്തിന് എല്‍.ഡി.എഫിനൊപ്പം അണിചേരാനായിരുന്നു പിണറായിയുടെ ആഹ്വാനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha