മാധ്യമപ്രവര്‍ത്തകയെ പരസ്യമായി അപമാനിച്ചു പ്രസംഗിച്ചതിനു സംവിധായകന്‍ മേജര്‍ രവിക്കെതിരെ ജാമ്യമില്ലാ വകുപ്പു ചുമത്തി പൊലീസ് കേസെടുത്തു. മാധ്യമപ്രവര്‍ത്തക നല്‍കിയ പരാതിയിലാണു കന്റോണ്‍മെന്റ് പൊലീസ് കേസെടുത്തത്.
ഐപിസി 354(എ), 500, 501 വകുപ്പുകള്‍ പ്രകാരവും കേരള പൊലീസ് ആക്ട് 120(0) പ്രകാരവുമാണു കേസ് എടുത്തതെന്നു സിറ്റി പൊലീസ് കമ്മിഷണര്‍ ജി. സപ്ര്‍ജന്‍ കുമാര്‍ പറഞ്ഞു. കഴിഞ്ഞ ദിവസം ഒരു പൊതുപരിപാടിയില്‍ പ്രസംഗിക്കുമ്പോഴാണ് ഇത്തരത്തില്‍ മേജര്‍ രവി പ്രസംഗിച്ചത്. ഇത് ഒരു ടിവി ചാനല്‍ സംപ്രേഷണം ചെയ്തിരുന്നു. തുടര്‍ന്നു രവി തനിക്കെതിരെ കെട്ടുകഥ പ്രചരിപ്പിച്ചു ശാരീരിക ആക്രമണത്തിന് ആഹ്വാനം ചെയ്‌തെന്നും സ്ത്രീ എന്ന അന്തസ് ഇല്ലാതാക്കുന്ന തരത്തില്‍ പരസ്യമായി അപമാനിച്ചെന്നും കാണിച്ചു മാധ്യമപ്രവര്‍ത്തക, തിരുവനന്തപുരം റേഞ്ച് ഐജി: മനോജ് ഏബ്രഹാമിനു പരാതി നല്‍കി. അതിന്റെ അടിസ്ഥാനത്തിലാണു കേസ് റജിസ്റ്റര്‍ ചെയ്തത്.
മാധ്യമ പ്രവര്‍ത്തകയെ ലൈംഗിക തൊഴിലാളിയെന്നും അവരുടെ മുഖത്ത് കാര്‍ക്കിച്ചു തുപ്പുമെന്നും സംവിധായകന്‍ മേജര്‍ രവി പറഞ്ഞത് സമൂഹ മാധ്യമങ്ങളില്‍ വലിയ ചര്‍ച്ചയായിരുക്കുന്നു. ഇത്തരമൊരു പരാമര്‍ശം ഉണ്ടായ സാഹചര്യത്തെക്കുറിച്ച് മേജര്‍ രവി പശ്ചാത്തപിക്കുന്നില്ലെന്നും പ്രതികരിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha