രാഹുല് മാങ്കൂട്ടത്തിലിനെതിരായ റിമാന്ഡ് റിപ്പോര്ട്ടിലെ വിവരങ്ങള് പുറത്ത്
അറസ്റ്റിലായ രാഹുല് മാങ്കൂട്ടത്തിലിനെതിരായ റിമാന്ഡ് റിപ്പോര്ട്ടിലെ വിവരങ്ങള് പുറത്ത്. പ്രതി സ്ഥിരം കുറ്റവാളിയാണെന്നും പുറത്തിറങ്ങിയാല് അതിജീവിതമാരെ അപായപ്പെടുത്താന് സാദ്ധ്യതയുണ്ടെന്നും റിമാന്ഡ് റിപ്പോര്ട്ടില് പറയുന്നു. പ്രതി എംഎല്എ ആയതിനാല് തെളിവുകള് നശിപ്പിക്കാനും സാക്ഷികളെ സ്വാധീനിക്കാനും സാദ്ധ്യതയുണ്ടെന്നും റിപ്പോര്ട്ടില് പൊലീസ് വ്യക്തമാക്കുന്നു. പ്രതി അന്വേഷണത്തോട് സഹകരിക്കുന്നില്ല. ഫോണ് ലോക്ക് അടക്കം മാറ്റാന് വിസമ്മതിച്ചതായും റിപ്പോര്ട്ടിലുണ്ട്.
വിവാഹം കഴിക്കാമെന്ന് പറഞ്ഞ് പ്രലോഭിപ്പിച്ചാണ് രാഹുല് ബലാത്സംഗം ചെയ്തത്. തിരുവല്ലയിലെ ഹോട്ടലില് വിളിച്ചുവരുത്തിയായിരുന്നു പീഡനം. ആഢംബര ഹോട്ടലിലെറൂമിലേക്ക് കയറ്റിയതിന് പിന്നാലെ ക്രൂരമായി പീഡിപ്പിച്ചു. പിന്നീട് ക്രൂരമായി മര്ദ്ദിച്ചുവെന്നും റിപ്പോര്ട്ടിലുണ്ട്. 31കാരിയാണ് പരാതിക്കാരി.
ഇന്ന് പുലര്ച്ചെയാണ് രാഹുലിനെ അറസ്റ്റ് ചെയ്തത്. വൈദ്യപരിശോധനയ്ക്ക് ശേഷം മജിസ്ട്രേറ്റിനു മുന്നില് ഹാജരാക്കിയ രാഹുലിനെ റിമാന്ഡ് ചെയ്തു. 14 ദിവസത്തേക്കാണ് പത്തനംതിട്ട ജില്ലാ മജിസ്ട്രേറ്റ് കോടതി റിമാന്ഡ് ചെയ്തിരിക്കുന്നത്. മാവേലിക്കര സ്പെഷ്യല് ജയിലിലേക്കാണ് മാറ്റിയത്. വിദേശത്ത് താമസിക്കുന്ന മലയാളി യുവതിയുടെ പരാതിയിലാണ് രാഹുലിനെ അറസ്റ്റ് ചെയ്തത്.
വളരെ സാഹസികമായിട്ടാണ് രാഹുലിനെ ആശുപത്രിയില് നിന്നും പൊലീസ് പുറത്തിറിക്കതിയത്. രാഹുല് ജാമ്യഹര്ജി നല്കിയെങ്കിലും മജിസ്ട്രേറ്റ് കോടതി ജാമ്യഹര്ജി തള്ളുകയായിരുന്നു. ഡിവൈഎഫ്ഐ, യുവമോര്ച്ച പ്രവര്ത്തകര് രാഹുലിനെതിരെ വഴിനീളെ പ്രതിഷേധം അഴിച്ചുവിടുന്നുണ്ട്. രാഹുലിനെ പിന്തുടര്ന്ന് പ്രതിഷേധം ഉയരുന്ന സാഹചര്യമാണ് നിലനില്ക്കുന്നത്. വൈദ്യപരിശോധനയ്ക്കായി ആശുപത്രിയില് കയറുന്നതിനിടെ രാഹുലിനെ പ്രതിഷേധക്കാര് കയ്യേറ്റം ചെയ്യാന് ശ്രമിച്ചിരുന്നു.
https://www.facebook.com/Malayalivartha
