മുന് ദേവസ്വം ബോര്ഡ് അംഗം കെ പി ശങ്കരദാസ് റിമാന്ഡില്
ശബരിമല സ്വര്ണപ്പാളിക്കേസില് മുന് ദേവസ്വം ബോര്ഡംഗം കെ.പി.ശങ്കരദാസിനെ റിമാന്ഡ് ചെയ്തു. 14 ദിവസത്തേക്കാണ് റിമാന്ഡ് ചെയ്തത്. തിരുവനന്തപുരത്തെ സ്വകാര്യ ആശുപത്രിയില് ചികിത്സയില് കഴിയുന്ന ശങ്കരദാസിനെ അവിടെയെത്തിയാണ് റിമാന്ഡ് ചെയ്തത്. ആശുപത്രിയില് നിന്ന് മാറ്റുന്ന കാര്യം ഡോക്ടര്മാരുടെ നിര്ദ്ദേശ പ്രകാരം തീരുമാനിക്കും.
സ്വര്ണപ്പാളി ഉണ്ണിക്കൃഷ്ണന് പോറ്റിയുടെ കൈവശം കൊടുത്തുവിട്ടത് ശങ്കരദാസിന്റെ അറിവോടെയാണെന്നാണ് എസ്.ഐ.ടി കണ്ടെത്തല്. ബന്ധപ്പെട്ട രേഖകളിലെല്ലാം ശങ്കരദാസ് ഒപ്പിട്ടു. സ്വര്ണക്കൊള്ളയില് ദേവസ്വം ബോര്ഡിന് കൂട്ടുത്തരവാദിത്തമെന്നും എസ്.ഐ.ടി പറയുന്നു. നേരത്തെ അറസ്റ്റിലായ തിരുവിതാംകൂര് ദേവസ്വം ബോര്ഡ് മുന് അദ്ധ്യക്ഷന് പത്മകുമാറിന്റെ മൊഴിയാണ് ശങ്കരദാസിലേക്ക് അന്വേഷണ സംഘത്തെ നയിച്ചത്.
കേസില് 11ാം പ്രതിയാണ് ശങ്കരദാസ്. ശങ്കരദാസിന്റെ അറസ്റ്റ് വൈകുന്നത്തില് പ്രത്യേക അന്വേഷണ സംഘത്തെ കോടതി വിമര്ശിച്ചിരുന്നു. കഴിഞ്ഞ ഏതാനും ദിവസങ്ങളായി സ്വകാര്യ ആശുപത്രിയിലെ ഐ.സിയുവില് ചികിത്സയിലായിരുന്നു ശങ്കരദാസ് . മുറിയിലേക്ക് മാറ്റിയതിന് പിന്നാലെ ഇന്നലെ രാത്രി അന്വേഷണ ഉദ്യോഗസ്ഥന് എസ്.പി ശശിധരന് ആശുപത്രിയിലെത്തിയാണ് അറസ്റ്റ് രേഖപ്പെടുത്തിയത്. അറസ്റ്റ് വിവരം ഇന്നലെത്തന്നെ പ്രോസിക്യൂട്ടര് വഴി കോടതിയില് അറിയിച്ചിരുന്നു.
https://www.facebook.com/Malayalivartha
