വീട്ടിനുള്ളില് കുടുങ്ങിയ ദമ്പതികളെയും കൊച്ചുമകളെയും രക്ഷപ്പെടുത്തി ഫയര്ഫോഴ്സ്
വീട്ടിനുള്ളില് കുടുങ്ങിയ ദമ്പതികളെയും കൊച്ചുമകളെയും വിഴിഞ്ഞം ഫയര് ആന്ഡ് റെസ്ക്യൂ സേന രക്ഷപ്പെടുത്തി. കോവളത്ത് ഇന്ന് പുലര്ച്ചെയായിരുന്നു സംഭവം. കിടപ്പുമുറിയുടെ ലോക്ക് തകരാറിലായതോടെ വീടിന് പുറത്തിറങ്ങാന് കഴിയാതെ കുടുങ്ങിയ നെടുമം സ്വദേശിയാണ് ഫയര്ഫോഴ്സിനെ വിളിച്ചത്. കുട്ടിയടക്കം പുറത്തിറങ്ങാനാകാതായതോടെ മറ്റുവഴികളില്ലാതെയാണ് സേനയുടെ സഹായം തേടിയത്. ഫോണില് വിളിച്ച് വിവരം പറഞ്ഞെങ്കിലും വീട് കണ്ടുപിടിക്കാന് സേന ബുദ്ധിമുട്ടിയതോടെ ഉദ്യോഗസ്ഥര്ക്ക് വാട്സാപ്പില് ലൊക്കേഷനും അയച്ച് കൊടുത്താണ് സ്ഥലത്തെത്തിച്ചത്.
മുന് വാതിലും അടുക്കളവാതിലും പൂട്ടി ഹാളിലേക്കുള്ള വഴിയും അടച്ച ശേഷമാണ് ഇവര് രാത്രി കിടപ്പുമുറിയുടെ വാതില് ലോക്ക് ചെയ്തത്. എല്ലാ വാതിലുകളും ലോക്കായതായി മനസിലാക്കി ഭയപ്പാടോടെ ഇരുന്ന വീട്ടുകാരെ ജനല് വഴി സമാധാനിപ്പിച്ച ശേഷം അടുക്കള വാതിലും ഹാളിലേക്കുള്ള വാതിലും കിടപ്പ് മുറിയുടെ വാതിലും തകര്ത്താണ് ഫയര്ഫോഴ്സ് ഇവരെ പുറത്തിറക്കിയത്.
കാര്യമായ കേടുപാടില്ലാതെ രക്ഷാപ്രവര്ത്തനം നടത്തേണ്ടി വന്നതിനാല് അരമണിക്കൂറോളം പ്രയത്നിച്ചാണ് ഇവരെ പുറത്തിറക്കാനായതെന്ന് വിഴിഞ്ഞം യൂണിറ്റില് നിന്നെത്തിയ ഉദ്യോഗസ്ഥര് പറഞ്ഞു. സീനിയര് ഫയര് ആന്ഡ് റെസ്ക്യൂ ഓഫീസര് ശരത്ചന്ദ്രകുമാറിന്റെ നേതൃത്വത്തില് ഓഫീസര്മാരായ സന്തോഷ് കുമാര്, അനീഷ്, അനുരാജ്, ഷിജു, ശ്യാംധരന് എന്നിവരാണ് രക്ഷാപ്രവര്ത്തനം നടത്തിയത്.
https://www.facebook.com/Malayalivartha
