കോട്ടയത്ത് പള്ളിക്കത്തോടില്‍ പട്ടാപ്പകല്‍ നടുറോഡിലിട്ട് ഭര്‍ത്താവ് ഭാര്യയെ വെട്ടിക്കൊന്നു. സംശയം മൂലമുള്ള കുടുംബവഴക്കാണ് കൊലപാതകത്തില്‍ കലാശിച്ചത്. ടൗണിലേക്ക് വിളിച്ചു വരുത്തിയായിരുന്നു കൊലപാതകം.

അരുവിക്കുഴി സ്വദേശി ലിസിയാണ് മരിച്ചത്. സംഭവുമായി ബന്ധപ്പെട്ട് ലിസിയുടെ ഭര്‍ത്താവ് ജോര്‍ജ് അറസ്റ്റിലായി. ഇന്ന് രാവിലെയായിന്നു സംഭവം. ലൂസിക്ക് 52 വയസായിരുന്നു. രാവിലെ 10.15നായിരുന്നു സംഭവം. കുടുംബ കലഹത്തെത്തുടര്‍ന്ന് ഒരു വര്‍ഷമായി ഇരുവരും പിരിഞ്ഞ് കഴിയുകയായിരുന്നു. രണ്ടാമത്തെ മകന്‍ ജയിനിനൊപ്പം പാമ്പാടിയില്‍ വാടക വീട്ടിലായിരുന്നു ലൂസി. മൂത്തമകന്‍ ഗള്‍ഫിലും ഇളയമകള്‍ കല്‍ക്കട്ടയിലുമാണ്. ഗ്രാമീണ ബാങ്കിലെ സ്വര്‍ണ്ണ പണയം പുതുക്കി വയ്ക്കാമെന്ന് പറഞ്ഞാണ് ലൂസിയെ പള്ളിക്കത്തോട്ടില്‍ വിളിച്ചുവരുത്തിയത്. 

ബാങ്കിന് സമീപമെത്തിയ ഉടനെ ലൂസിയെ തക്കം പാര്‍ത്തിരുന്ന ജോര്‍ജ്ജ് കുത്തി വീഴ്ത്തുകയായിരുന്നു. കഴുത്തില്‍ മാരകമായ കുത്തേറ്റാണ് ലൂസി സംഭവ സ്ഥലത്ത് മരിച്ചത്. കൊലപാതകത്തിനുശേഷം കത്തിയുമായി ഓടി രക്ഷപെടാന്‍ ശ്രമിച്ച ജോര്‍ജ്ജിനെ ബസ് സ്റ്റാന്റിന് സമീപം നാട്ടുകാര്‍ ചേര്‍ന്ന് കീഴ്‌പ്പെടുത്തി പോലീസില്‍ ഏല്‍പ്പിച്ചു. 

കുത്തേറ്റ ലൂസിയെ ആശുപത്രിയില്‍ എത്തിക്കാന്‍ ടാക്‌സി െ്രെഡവര്‍മാര്‍ വിസമ്മതിച്ചതിനെത്തുടര്‍ന്ന് പോലീസ് ജീപ്പിലാണ് കോട്ടയം മെഡിക്കല്‍ കോളേജ് ആശുപത്രിയില്‍ എത്തിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha