ടൂത്ത് പേസ്റ്റ് ഉപയോഗിച്ച് പല്ലു തേച്ച് വായ പൊള്ളിയ അച്ഛനും മക്കളും ആശുപത്രിയില്‍
ടൂത്ത് പേസ്റ്റുപയോഗിച്ച് പല്ല് തേച്ചതിനെ തുടര്‍ന്ന് വായ പൊള്ളിയ അച്ഛനും മക്കളും ആശുപത്രിയില്‍. നൂറ് ശതമാനവും വെജിറ്റേറിയന്‍ എന്ന് രേഖപ്പെടുത്തിയ പേസ്റ്റാണ് അവര്‍ ഉപയോഗിച്ചത്. തൃക്കരിപ്പൂര്‍ ചക്രപാണി ക്ഷേത്രത്തിന് സമീപത്തെ ടൈലര്‍ മഞ്ഞ സതീശന് (43), മക്കളായ ശിബിദാസ് (15), ശിവപ്രിയ(13) എന്നിവരാണ് പയ്യന്നൂരിലെ സ്വകാര്യ ആശുപത്രിയില്‍ മൂന്നു ദിവസമായി ചികിത്സയില്‍ കഴിയുന്നത്.
പയ്യന്നൂരിലെ ഒരു മെഡിക്കല്‍ സ്റ്റോറില്‍നിന്നാണ് 2015 ഡിസംബറില്‍ നിര്‍മിക്കുകയും 2017 നവംബര്‍ വരെ ഉപയോഗിക്കാവുന്നതുമായ പേസ്റ്റ് വാങ്ങിയത്. ഈ പേസ്റ്റുപയോഗിച്ച് രണ്ടുദിവസം പല്ലു തേച്ചതോടെയാണ് ഇവരുടെ വായ പൊള്ളിയതെന്ന് ചികിത്സയില്‍ കഴിയുന്നവര്‍ പറയുന്നു. ഗുരുതരമായി വായ പൊള്ളിയ സതീശന് സംസാരിക്കാന്‍ ബുദ്ധിമുട്ടനുഭവപ്പെടുന്നുണ്ട്
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
