മാസപ്പടി കേസില് സുപ്രീം കോടതിയില് തടസ്സ ഹര്ജി
മാസപ്പടി കേസില് സുപ്രീംകോടതിയില് തടസ്സ ഹര്ജി. ഹൈക്കോടതിയില് സിബിഐ അന്വേഷണം ആവശ്യപ്പെട്ട് ഹര്ജി നല്കിയ എം ആര് അജയനാണ് തടസ്സ ഹര്ജി സമര്പ്പിച്ചത്. ഈ ഹര്ജി ഹൈക്കോടതിയുടെ പരിഗണന ആയതിനാല് തന്റെ വാദവും കേള്ക്കണം എന്ന് ആവശ്യപ്പെട്ടാണ് തടസ്സ ഹര്ജി. ഇഡി അന്വേഷണത്തിന് അനുമതി നല്കിയ ഹൈക്കോടതി ഉത്തരവിനെതിരെ സിഎംആര് എല് അപ്പീല് നല്കുമെന്നത് കണക്കിലെടുത്താണ് നീക്കം.
അഭിഭാഷക അശ്വതി എം കെ ആണ് ഹര്ജി സമര്പ്പിച്ചത്. എസ്എഫ്ഐഒ ജനുവരിയില് അന്വേഷണം തുടങ്ങിയ കേസില് മാര്ച്ചിലാണ് തങ്ങള് അന്വേഷണം ആരംഭിച്ചതെന്നും കള്ളപ്പണം വെളുപ്പിക്കലുമായി ബന്ധപ്പെട്ട തെളിവുകള് ശേഖരിക്കാന് തങ്ങള്ക്ക് പൂര്ണ അധികാരമുണ്ടെന്നും ഇ.ഡി കോടതിയില് വ്യക്തമാക്കി. കേസുമായി ബന്ധപ്പെട്ട് മുന്മുഖ്യമന്ത്രി പിണറായി വിജയന്റെ മകള് ടി. വീണയുടെ വീട്ടില് റെയ്ഡ് നടത്തിയിരുന്നു.
https://www.facebook.com/Malayalivartha
