നരുവാമൂട്ടില്‍ സുഹൃച്ചുക്കള്‍ തമ്മിലുള്ള സംഘര്‍ഷത്തിനിടെ പതിനേഴുകാരന്‍ കൊല്ലപ്പെട്ടു. പെരിങ്ങമല സ്വദേശി ശിവസൂര്യനാണ് മരിച്ചത്. സംഭവത്തില്‍ രണ്ട് സുഹൃത്തുക്കളെ പൊലീസ് കസ്റ്രഡിയിലെടുത്തു. അജിത്, കാര്‍ത്തിക് എന്നിവരെയാണ് കസ്റ്റഡിയിലെടുത്തത്. ഇരുവരും ചേര്‍ന്നാണ് ശിവസൂര്യയെ ആശുപത്രിയില്‍ എത്തിച്ചത്. യുവാവിന്റെ ശരീരമാസകലം പരിക്കേറ്റ നിലയിലായിരുന്നു. അവിടെ നിന്ന് മെഡിക്കല്‍ കോളേജ് ആശുപത്രിയിലേക്ക് കൊണ്ടുപോകുന്നതിനിടെയാണ് മരണം സംഭവിച്ചത്.

ലഹരിപ്പുറത്തുണ്ടായ സംഘര്‍ഷത്തിനിടെയാണ് കൊലപാതകം നടന്നതെന്നാണ് പ്രാഥമിക വിവരം. പുന്നമൂട് ജംഗ്ഷനില്‍ വച്ചാണ് മൂവരും തമ്മില്‍ പ്രശ്‌നമുണ്ടായത്. ഇതിനിടെ ശിവസൂര്യ ചില്ല് ഗ്ലാസിന് പുറത്തേക്ക് വീഴുകയായിരുന്നു. ചില്ലുകള്‍ ശരീരത്തില്‍ കുത്തിക്കയറിയാണ് മരണം സംഭവിച്ചതെന്നാണ് റിപ്പോര്‍ട്ട്. സംഭവത്തില്‍ പൊലീസ് കൂടുതല്‍ അന്വേഷണം നടത്തിവരികയാണ്.