വീണ്ടും ലോകം ആശങ്കയോടെ ഉറ്റുനോക്കുന്നത് മധ്യപൂർവേഷ്യയെയാണ്. ഏതാനും ദിവസങ്ങൾക്ക് മുമ്പ് വെടിനിർത്തലും സംഘർഷം കുറയുമെന്ന പ്രതീക്ഷയും ഉണ്ടായിരുന്നെങ്കിലും, ഇപ്പോൾ വീണ്ടും ഇറാനും അമേരിക്കയും തമ്മിലുള്ള ബന്ധം വഷളാകുന്ന സൂചനകളാണ് പുറത്തുവരുന്നത്.   ഇത് മറ്റൊരു യുദ്ധത്തിലേക്ക് നീങ്ങുന്ന സാഹചര്യമാണോ? അതോ സമ്മർദ്ദത്തിലൂടെ പരസ്പരം വഴങ്ങാൻ ശ്രമിക്കുന്ന രാഷ്ട്രീയ നീക്കങ്ങളാണോ? ഇന്നത്തെ വീഡിയോയിൽ ഏറ്റവും പുതിയ സംഭവവികാസങ്ങളും, അതിന്റെ പിന്നിലെ കാരണങ്ങളും, ലോകത്തെ ബാധിക്കാവുന്ന പ്രത്യാഘാതങ്ങളും വിശദമായി നോക്കാം.

ഇറാനും അമേരിക്കയും തമ്മിലുള്ള വൈരത്തിന് പതിറ്റാണ്ടുകളുടെ ചരിത്രമുണ്ട്. എന്നാൽ കഴിഞ്ഞ മാസങ്ങളിലെ സംഘർഷങ്ങൾക്കുശേഷം സ്ഥിതി ശാന്തമാകുമെന്ന് പലരും കരുതിയിരുന്നു. പക്ഷേ ഇപ്പോൾ വീണ്ടും ഇരുരാജ്യങ്ങളും കടുത്ത ഭാഷയിലാണ് പരസ്പരം മുന്നറിയിപ്പുകൾ നൽകുന്നത്. എന്നാൽ ഇതിന്റെ പിന്നിലെ ബുദ്ധി ജൂതന്റെയാണെന്ന് പറയാതെ വയ്യ. അമേരിക്ക ഇറാൻ സമാധാനക്കരാറിൽ ഇസ്രേൽ ഒപ്പുവെച്ചിട്ടല്ല. ഇസ്രയേലിന്റെ സമ്മതത്തോടെ നടന്ന വെടിനിർത്തൽ കരാർ അല്ലതാനും . മാത്രമല്ല ഇറാനെ  നൂറുശതമാനം നിരായുധീകരിക്കണമെന്ന നിർബന്ധമാണ് ഇസ്രായേലിന്... ഇതിനായി  RGC യെ നിരന്തരം പ്രകോപിപ്പിക്കുന്നതാണ് IDF ശൈലി. ലബനാനിലെ സമാധാനക്കരാർ നിലനിക്കുമ്പോൾ തന്നെ തെക്കൻ ലെബണനിൽ IDF ആക്രമണം നടത്തി.   തെക്കൻ ലബനനിലെ നബാത്തിയ മേഖലയിൽ ഇസ്രയേൽ ഡ്രോൺ ആക്രമണം നടത്തിയതായി ലബനൻ ഔദ്യോഗിക വാർത്താ ഏജൻസിയായ എൻഎൻഎ റിപ്പോർട്ട് ചെയ്തു. നബാത്തിയ അൽ-ഫൗഖ പ്രദേശത്തെ ഫറാ അമ്യൂസ്മെന്റ് പാർക്ക് ജംക്‌ഷനു സമീപമാണ് ഇസ്രയേലിന്റെ ഡ്രോൺ പതിച്ചത്.

ഇറാൻ്റെ തെക്കൻ തീരപ്രദേശങ്ങളായ സിരിക് (Sirik), ഖെഷ്ം ദ്വീപ് (Qeshm Island) എന്നിവിടങ്ങളിലെ സൈനിക നിരീക്ഷണ കേന്ദ്രങ്ങൾക്കും ഡ്രോൺ സംഭരണശാലകൾക്കും നേരെ അമേരിക്കൻ സെൻട്രൽ കമാൻഡ് (CENTCOM) തുടർച്ചയായി വ്യോമാക്രമണം നടത്തി.

 മധ്യപൂർവേഷ്യയിലെ പല മേഖലകളിലും ഇറാനുമായി ബന്ധമുള്ള സായുധ ഗ്രൂപ്പുകളുടെ പ്രവർത്തനങ്ങൾ നിലനിക്കുന്നു . അവരെ അടിച്ചൊതുക്കുക എന്നതിൽ ഇസ്രായേൽ പ്രതിജ്ഞാബന്ധമാണ്  . ഇവരുമായി ബന്ധപ്പെട്ട ആക്രമണങ്ങൾ ഉണ്ടായാൽ, അമേരിക്ക തിരിച്ചടിക്കാനുള്ള സാധ്യതയും വർധിക്കും.   അങ്ങനെ സംഭവിച്ചാൽ, സ്ഥിതി വളരെ വേഗത്തിൽ നിയന്ത്രണാതീതമാകാൻ സാധ്യതയുണ്ടെന്ന് വിദഗ്ധർ മുന്നറിയിപ്പ് നൽകുന്നു.  അമേരിക്കയുടെ ലക്ഷ്യം, ഇറാൻ ആണവായുധ ശേഷി നേടുന്നത് തടയുക എന്നതാണ്. അതോടൊപ്പം, മധ്യപൂർവേഷ്യയിലെ തങ്ങളുടെ സഖ്യരാജ്യങ്ങളുടെ സുരക്ഷ ഉറപ്പാക്കണമെന്നും അമേരിക്ക പറയുന്നു.  ഇതിനായി നാവികസേനയും വ്യോമസേനയും മേഖലയിൽ സജ്ജമായി തുടരുകയാണ്. അമേരിക്ക നേരിട്ട് യുദ്ധം ആഗ്രഹിക്കുന്നില്ലെന്ന് പറയുന്നുണ്ടെങ്കിലും, സ്വന്തം സൈന്യത്തിനോ സഖ്യകക്ഷികൾക്കോ നേരെ ആക്രമണം ഉണ്ടായാൽ ശക്തമായി പ്രതികരിക്കുമെന്ന് വ്യക്തമാക്കിയിട്ടുണ്ട്.

ഹോർമുസ് കടലിടുക്കിൽ രണ്ടാമത്തെ എണ്ണക്കപ്പലിനു നേരെയും ഡ്രോൺ ആക്രമണം ഉണ്ടായെന്ന് ആരോപിച്ചാണ് ഇറാനിലെ വിവിധ ഇടങ്ങളിൽ ഇന്നലെ യുഎസ് സേനയുടെ ആക്രമണം. ഇതിനു മറുപടിയായി പശ്ചിമേഷ്യയിലെ യുഎസ് സൈനിക കേന്ദ്രങ്ങൾ ആക്രമിച്ചെന്ന് ഇറാനും. വെടിനിർത്തൽ ലംഘനം തുടർന്നാൽ ഇറാനെതിരെ കൂടുതൽ ആക്രമണം സംഘടിപ്പിക്കുമെന്ന് യുഎസ് പ്രസിഡന്റ് ഡോണൾഡ് ട്രംപ് പറഞ്ഞു. അങ്ങനെയുണ്ടായാൽ യുഎസ് കേന്ദ്രങ്ങളിൽ 'നരകം വിതയ്ക്കും' എന്നാണ് ഇറാന്റെ മറുപടി.  ഇതോടെ ഇസ്രയേലിന്റെ ആവശ്യം നടന്നുകഴിഞ്ഞു

ഒരാഴ്ച മാത്രം ആയുസുള്ള വെടിനിർത്തൽ കരാറിലെ വ്യവസ്ഥകൾ ലംഘിച്ചാൽ വീണ്ടും യുദ്ധം തുടങ്ങുമെന്നാണ് യുഎസ് പ്രസിഡന്റ് ഡോണൾഡ് ട്രംപ് നൽകുന്ന സൂചന.    അമേരിക്ക, ഇറാന്റെ ആണവ പദ്ധതി വീണ്ടും സൂക്ഷ്മമായി നിരീക്ഷിക്കുകയാണെന്നും, ആവശ്യമായാൽ കൂടുതൽ ഉപരോധങ്ങളും മറ്റ് നടപടികളും സ്വീകരിക്കുമെന്നും വ്യക്തമാക്കിയിട്ടുണ്ട്.  അതേസമയം, ഇറാൻ പറയുന്നത് തങ്ങൾ സമ്മർദ്ദങ്ങൾക്ക് വഴങ്ങില്ലെന്നും, സ്വന്തം സുരക്ഷയും പരമാധികാരവും സംരക്ഷിക്കാൻ ആവശ്യമായ എല്ലാ നടപടികളും സ്വീകരിക്കുമെന്നുമാണ്.  ഇതാണ് ലോകത്തെ വീണ്ടും ആശങ്കയിലാഴ്ത്തുന്നത്.  ഇന്നും ഈ തർക്കത്തിന്റെ കേന്ദ്രബിന്ദു ഇറാന്റെ ആണവ പദ്ധതിയാണ്.  ഇറാൻ പറയുന്നത് തങ്ങളുടെ ആണവ പദ്ധതി സമാധാനപരമായ ആവശ്യങ്ങൾക്കായാണ്.  എന്നാൽ അമേരിക്കയും പാശ്ചാത്യ രാജ്യങ്ങളും പറയുന്നത്, അതിലൂടെ ആണവായുധ ശേഷിയിലേക്ക് ഇറാൻ നീങ്ങാനുള്ള സാധ്യത തള്ളിക്കളയാനാവില്ല എന്നതാണ്.  ഇതിനെ തുടർന്നാണ് ഉപരോധങ്ങളും നയതന്ത്ര സമ്മർദ്ദങ്ങളും വർഷങ്ങളായി തുടരുന്നത്.

യുഎസ് സൈന്യം തങ്ങളുടെ ‘ജോലി തീർക്കാൻ’ നിർബന്ധിതരായാൽ ഇറാൻ ബാക്കിയുണ്ടാവില്ലെന്ന് ആണ്  ഡോണൾഡ് ട്രംപിന്റെ ഭീഷണി. ഇറാനെതിരെ യുഎസ് വീണ്ടും ആക്രമണം നടത്തിയതിനു പിന്നാലെയാണ് ട്രൂത്ത് സോഷ്യലിൽ ട്രംപിന്റെ പ്രതികരണം. ‘ന്യായവും നീതിയും നോക്കി പ്രവർത്തിക്കാൻ കഴിയാത്ത സാഹചര്യമുണ്ടായേക്കാം. ഞങ്ങൾ വിജയകരമായി തുടങ്ങിയ ജോലി പൂർത്തിയാക്കാൻ യുഎസ് സൈന്യവും നിർബന്ധിതരാകും. അങ്ങനെയുണ്ടായാൽ ഇറാൻ ഇനി ബാക്കിയുണ്ടാവില്ല.’–ട്രംപ് പറഞ്ഞു.

 യുഎസിന്റെ ആക്രമണങ്ങളെ അതേനാണയത്തിൽ തിരിച്ചടിക്കാനാണ് ഇറാന്റെയും ഒരുക്കം. യുഎസുമായി ഒപ്പിട്ട ധാരണാപത്രം അനുസരിച്ച് ഹോർമുസിലൂടെ കപ്പലുകൾക്ക് സുരക്ഷപാത ഒരുക്കാനുള്ള അവകാശം തങ്ങൾക്കാണെന്നും ഇതുലംഘിച്ച് യുഎസ് നാവികസേനയുടെ നേതൃത്വത്തിൽ കപ്പലുകളെ ഒമാൻ തീരത്തുകൂടി പോകാൻ അനുവദിച്ചതാണ് പ്രകോപനത്തിനു കാരണമെന്നും ഇറാൻ പറയുന്നു.

ഇതിനെത്തുടർന്ന് ഗൾഫ് മേഖലയിൽ സംഘർഷം ശക്തമാക്കികൊണ്ട്  കുവൈത്തിലെയും ബഹ്‌റൈനിലെയും യുഎസ് സൈനിക താവളങ്ങൾക്ക് നേരെ ഇറാന്റെ മിസൈൽ-ഡ്രോൺ ആക്രമണം ഉണ്ടായി . കുവൈത്തിലെ അലി അൽ സാലം വ്യോമസേനാ താവളത്തിനും മനാമയിലെ യുഎസ് അഞ്ചാം നാവിക വ്യൂഹത്തിനും നേരെയാണ് ആക്രമണമുണ്ടായതെന്ന് ഇറാന്റെ ഔദ്യോഗിക വാർത്താ ഏജൻസികൾ സ്ഥിരീകരിച്ചു. അഞ്ച് ഇറാനിയൻ തീരദേശ കേന്ദ്രങ്ങളിൽ അമേരിക്ക നടത്തിയ ബോംബാക്രമണത്തിന് പകരമായാണ് ഈ നടപടിയെന്ന് ഐആർജിസി വ്യക്തമാക്കി. അതേസമയം, വ്യോമാതിർത്തിയിലെ ഭീഷണികളെ പ്രതിരോധ സംവിധാനങ്ങൾ ഉപയോഗിച്ച് നേരിടുകയാണെന്ന് കുവൈത്ത് സായുധ സേന അറിയിച്ചു.
 
ഇറാൻ പറയുന്നത്, അമേരിക്കയുടെ സമ്മർദ്ദ നയങ്ങൾ അവസാനിപ്പിക്കണമെന്നും, അനാവശ്യ ഇടപെടലുകൾ ഒഴിവാക്കണമെന്നും ആണ്.
തങ്ങളുടെ പ്രതിരോധ ശേഷി വർധിപ്പിക്കുന്നതിനുള്ള നടപടികൾ തുടരുമെന്നും, ഭീഷണികൾക്ക് മുന്നിൽ വഴങ്ങില്ലെന്നും ഇറാൻ ആവർത്തിക്കുന്നു.
അതുകൊണ്ടുതന്നെ ഇരുരാജ്യങ്ങളും ഇപ്പോൾ വളരെ സൂക്ഷ്മമായ സാഹചര്യത്തിലാണ്.

ഇതോടെ ഇരുരാജ്യങ്ങളും തമ്മിലുള്ള ധാരണ പത്രത്തിന്റെ ഭാവി സംബന്ധിച്ചും സംശയം ഉയർന്നു. ഹോർമുസ് വഴിയുള്ള കപ്പൽനീക്കം പുനസ്ഥാപിക്കാനുള്ള ശ്രമങ്ങളെ ഇതു ബാധിക്കുമെന്ന റിപ്പോർട്ടുകൾ അടുത്ത ദിവസങ്ങളിൽ ഓഹരി, ക്രൂഡോയിൽ, സ്വർ‍ണ വിപണികളെ സ്വാനീനിച്ചേക്കും. എന്നാൽ മേഖലയിലെ പ്രശ്നങ്ങൾക്ക് ശാശ്വത പരിഹാരം കാണാനുള്ള അടുത്ത ഘട്ട ചർച്ചകൾ തിങ്കളാഴ്ച ആരംഭിക്കുന്നത് പ്രതീക്ഷയാണ്.

ഈ വിഷയത്തിൽ യൂറോപ്യൻ രാജ്യങ്ങളും, ഗൾഫ് രാജ്യങ്ങളും, ഏഷ്യയിലെ പല രാജ്യങ്ങളും ആശങ്കയിലാണ്.കാരണം, ഒരു വലിയ യുദ്ധം ആരംഭിച്ചാൽ അതിന്റെ ആഘാതം മധ്യപൂർവേഷ്യയിൽ മാത്രം ഒതുങ്ങില്ല.എണ്ണവില ഉയരാൻ സാധ്യതയുണ്ട്.അന്താരാഷ്ട്ര വ്യാപാരത്തെ ബാധിക്കാം. ഓഹരി വിപണികളിൽ വലിയ ചാഞ്ചാട്ടങ്ങൾ ഉണ്ടാകാം.ആഗോള സമ്പദ്‌വ്യവസ്ഥയ്ക്കും തിരിച്ചടിയാകാൻ സാധ്യതയുണ്ട്.

ഇതെല്ലം തീർച്ചയായും ഇന്ത്യയെയും  ബാധിക്കും.. മാസങ്ങൾക്കു ശേഷം ഇന്ത്യൻ ഓഹരി വിപണികൾ തിരിച്ചു വരവിന്റെ പാതയിലെന്ന് ഐസിഐസിഐ സെക്യുരിറ്റീസ് റിപ്പോർട്ട്. പലവിധ കാരണങ്ങൾ കൊണ്ട് 2024 സെപ്റ്റംബറിനു ശേഷം വിപണിയെ ബാധിച്ച മന്ദത ഉടൻ മാറും. സാമ്പത്തിക മേഖലയും കമ്പനികളുടെ വാല്യൂവേഷനും മെച്ചപ്പെട്ടതും ക്രൂഡോയിൽ വില കുറഞ്ഞതും വിദേശനിക്ഷേപകരുടെ പിന്മാറ്റം പതുക്കെയായതും ഓഹരികൾക്ക് ഗുണകരമാണ്. റിസ്ക് നിലവിലുണ്ടെങ്കിലും വിപണിയെ കരകയറ്റുന്ന കാര്യങ്ങൾ കൂടുതലാണ്. ഈ സാഹചര്യത്തിൽ ഇറാൻ അമേരിക്ക സംഘർഷം ഇന്ത്യയെ പ്രതികൂലമായി ബാധിക്കും  

ഇന്ത്യയ്ക്ക് മധ്യപൂർവേഷ്യ വളരെ പ്രധാനപ്പെട്ട മേഖലയാണ്. ഇന്ത്യയുടെ എണ്ണ ഇറക്കുമതിയുടെ വലിയൊരു പങ്ക് ഈ മേഖലയെ ആശ്രയിച്ചാണ്.  സംഘർഷം ശക്തമായാൽ എണ്ണവില ഉയരാൻ സാധ്യതയുണ്ട്.  അതിന്റെ പ്രതിഫലനാം  ഇന്ത്യയിലെ ഇന്ധനവിലയിലും ഗതാഗതച്ചെലവിലും സാധനങ്ങളുടെ വിലയിലും പ്രതിഫലിച്ചേക്കാം.  കൂടാതെ ഗൾഫ് രാജ്യങ്ങളിൽ ജോലി ചെയ്യുന്ന ലക്ഷക്കണക്കിന് ഇന്ത്യക്കാരുടെയും സുരക്ഷ പ്രധാന വിഷയമാകും.
ഇപ്പോൾ ഏറ്റവും കൂടുതൽ ഉയരുന്ന ചോദ്യം ഇതാണ്. വീണ്ടും പൂർണ യുദ്ധം നടക്കുമോ?  വിദഗ്ധരുടെ വിലയിരുത്തൽ അനുസരിച്ച്, ഇരുരാജ്യങ്ങളും നേരിട്ടുള്ള വലിയ യുദ്ധം ഒഴിവാക്കാൻ ആഗ്രഹിക്കുന്നവരാണ്.  കാരണം, അത്തരമൊരു യുദ്ധത്തിന്റെ സാമ്പത്തികവും സൈനികവുമായ ചെലവ് വളരെ വലുതായിരിക്കും.  എന്നാൽ ചെറിയ ആക്രമണങ്ങൾ, പ്രത്യാക്രമണങ്ങൾ, ഉപരോധങ്ങൾ, സൈബർ ആക്രമണങ്ങൾ, പ്രോക്സി ഗ്രൂപ്പുകളിലൂടെ നടക്കുന്ന ഏറ്റുമുട്ടലുകൾ എന്നിവ തുടരാനുള്ള സാധ്യത തള്ളിക്കളയാനാവില്ല.
അതുകൊണ്ടാണ് ഓരോ പുതിയ സംഭവവും ലോകം അതീവ ജാഗ്രതയോടെ നിരീക്ഷിക്കുന്നത്.

വരാനിരിക്കുന്ന ദിവസങ്ങളിൽ മൂന്ന് സാധ്യതകളാണ് പ്രധാനമായും ചർച്ച ചെയ്യപ്പെടുന്നത്.

ഒന്നാമത്തേത്, നയതന്ത്ര ചർച്ചകൾ വീണ്ടും ശക്തമാകുകയും സംഘർഷം കുറയുകയും ചെയ്യുക.

രണ്ടാമത്തേത്, ചെറിയ തോതിലുള്ള സൈനിക നടപടികൾ തുടരുകയും എന്നാൽ പൂർണ യുദ്ധം ഒഴിവാകുകയും ചെയ്യുക.

മൂന്നാമത്തേത്, ഏതെങ്കിലും അപ്രതീക്ഷിത ആക്രമണം വലിയ തിരിച്ചടിയിലേക്ക് നയിക്കുകയും സാഹചര്യം കൂടുതൽ വഷളാകുകയും ചെയ്യുക.

ഇപ്പോൾ ലോകം പ്രതീക്ഷിക്കുന്നത് ആദ്യത്തെ സാധ്യതയാണ്.   ഇറാനും അമേരിക്കയും തമ്മിലുള്ള ബന്ധം വീണ്ടും അപകടകരമായ ഘട്ടത്തിലേക്ക് കടക്കുമോ എന്ന ചോദ്യത്തിന് ഇതുവരെ വ്യക്തമായ ഉത്തരമില്ല.   എന്നാൽ ഒരു കാര്യം ഉറപ്പാണ് — മധ്യപൂർവേഷ്യയിലെ ഓരോ ചെറിയ സംഭവവും ഇനി ലോക സമ്പദ്‌വ്യവസ്ഥയെയും എണ്ണവിപണിയെയും അന്താരാഷ്ട്ര രാഷ്ട്രീയത്തെയും നേരിട്ട് സ്വാധീനിക്കുന്ന സാഹചര്യമാണ്.   അതുകൊണ്ട് തന്നെ വരും ദിവസങ്ങളിലെ ഓരോ ഔദ്യോഗിക പ്രഖ്യാപനവും ലോകം സൂക്ഷ്മമായി നിരീക്ഷിച്ചുകൊണ്ടിരിക്കുകയാണ്.