പെരുമ്പാവൂരില്‍ കൊല്ലപ്പെട്ട ജിഷയുടെ അമ്മ രാജേശ്വരിയെ കാണാന്‍ ആശുപത്രിയിലെത്തുന്നവരില്‍ പലരുടെയും ലക്ഷ്യം പബ്ലിസിറ്റി മാത്രമാണെന്ന് എറണാകുളം ജില്ലാ കലക്ടര്‍ എം.ജി.രാജമാണിക്യം. ഫോട്ടോഗ്രഫറെയോ വിഡിയോഗ്രാഫറെയോ കൂട്ടിയാണ് മിക്കവരും ആശുപത്രിയില്‍ എത്തുന്നത്. മറ്റുചിലര്‍ തര്‍ക്കത്തിനും സമൂഹമാധ്യമങ്ങളിലെ കുറ്റപ്പെടുത്തലുകള്‍ക്കുമായി നില്‍ക്കുന്നു. പത്തുദിവസത്തേക്ക് ഈ ആവേശം ഉണ്ടാകും. അതുകഴിഞ്ഞാല്‍ ഈ ബഹളമുണ്ടാക്കുന്നവരാരും ആ അമ്മയേയും കുടുംബത്തേയും തിരിഞ്ഞുനോക്കാത്ത അവസ്ഥയാകും ഉണ്ടാകുക. ഫേസ്ബുക്കിലൂടെയായിരുന്നു കലക്ടറുടെ വിമര്‍ശം. കുടുംബത്തിന് സാമ്പത്തിക സഹായം ലഭ്യമാക്കാമെന്ന് ഏറ്റവര്‍ക്കായി എറണാകുളം ജില്ലാ കലക്ടറും ജിഷയുടെ അമ്മ രാജേശ്വരിയും ചേര്‍ന്ന് ആരംഭിച്ച ജോയിന്റ് അക്കൗണ്ട് ഉപയോഗപ്പെടുത്തണമെന്നും കലക്ടര്‍ അഭ്യര്‍ത്ഥിച്ചു.അക്കൗണ്ട് നമ്പര്‍: 35748602803. രാജേശ്വരിയെ കാണാനെത്തുന്ന സന്ദര്‍ശകരെ നിയന്ത്രിക്കണമെന്ന് ആശുപത്രി സൂപ്രണ്ട് ഡോ. സുമ അറിയിച്ചിരുന്നു. ജിഷയുടെ അമ്മക്ക് വിശ്രമം അനിവാര്യമാണെന്നും അവര്‍ വ്യക്തമാക്കി. രാജേശ്വരിക്ക് മാനസിക സമ്മര്‍ദ്ദം താങ്ങാന്‍ കഴിയുന്നില്ല. ഈ സാഹചര്യത്തില്‍ അവരെ ബുദ്ധിമുട്ടിക്കരുതെന്നും വിശ്രമം അനുവദിക്കണമെന്നും ഡോക്ടര്‍മാര്‍ നിര്‍ദേശിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha