ജിഷയെ കൊലപ്പെടുത്തിയ വ്യക്തിയെ കിട്ടാത്ത സാഹചര്യത്തില്‍ കുറ്റം ആരുടെയെങ്കിലും തലയില്‍ ചാരണമെന്ന് ഉന്നത ഉദേ്യാഗസ്ഥര്‍ എറണാകുളം റൂറല്‍ പോലീസിന് നിര്‍ദ്ദേശം നല്‍കി. കൊലപാതകികളെ 24 മണിക്കൂറിനകം പിടിക്കണമെന്നും ഇല്ലെങ്കില്‍ നടപടിയെടുക്കുമെന്നാണ് ഭീഷണി. എറണാകുളം പോലീസിന്റെ ഉന്നതതലത്തില്‍ കുറ്റം തലയില്‍ കെട്ടിവയ്ക്കാന്‍ പാകത്തിലൊരാളെ അനേ്വഷിക്കാന്‍ നടപടി തുടങ്ങി. ഭാഷയറിയാത്ത ഏതെങ്കിലും അന്യസംസ്ഥാന തൊഴിലാളിയെ ഇതിനുവേണ്ടി കണ്ടെത്തുമോ എന്നാണ് എല്ലാവരും കൗതുകപൂര്‍വ്വം നോക്കുന്നത്.
അന്യസംസ്ഥാന തൊഴിലാളികളുടെ തലസ്ഥാനമാണ് പെരുമ്പാവൂര്‍. ആലുവ മുതല്‍ പെരുമ്പാവൂര്‍ വരെയുള്ള വിവിധ സ്ഥലങ്ങളില്‍ പതിനായിരകണക്കിന് അന്യസംസ്ഥാന തൊഴിലാളികളാണ് താമസിക്കുന്നത്. അവരെ കേസില്‍ കുരുക്കിയാല്‍ ചോദിക്കാനും പറയാനും ആരും കാണില്ല.
മോഷണകേസിലും മറ്റും പ്രതിയായ അന്യസംസ്ഥാന തൊഴിലാളിയുണ്ടോ എന്നാണ് പോലീസിന്റെ അനേ്വഷണം. അങ്ങനെയൊരാളെ കിട്ടിയാല്‍ അയാളെ കുരുക്കാമെന്നാണ് പോലീസിന്റെ ചിന്ത.
എറണാകുളം റൂറല്‍ പോലീസ് മേധാവിക്കുമേല്‍ സമ്മര്‍ദ്ദം ഏറുകയാണ്. നാടിനെ വിറപ്പിച്ച ഒരു കൊലപാതകം നടന്നിട്ടും പ്രതിയെ പിടിക്കാനായില്ലെങ്കില്‍ അത് മോശം തന്നെയാണെന്ന് റൂറല്‍ പോലീസ് മേധാവിയെ ഡിജിപി നേരിട്ടറിയിച്ചു. ആഭ്യന്തരമന്ത്രിയും ഇതേ പ്രസ്താവന ആവര്‍ത്തിച്ചു. അതിനിടെ കേന്ദ്രമന്ത്രിയും മറ്റും സംസ്ഥാനത്തെത്തും മുമ്പ് കൊലപാതകിയെ കണ്ടുപിടിക്കണമെന്നും ഉന്നതപോലീസ് കേന്ദ്രങ്ങള്‍ അറിയിച്ചിട്ടുണ്ട്.
പോലീസാകട്ടെ ഇരുട്ടില്‍ തപ്പുകയാണ്. കൊലപാതകം ശാസ്ത്രീയമായി തെളിയിക്കാന്‍ ജിഷയുടെ മൃതദേഹം പോലും അവശേഷിക്കുന്നില്ല. മൃതദേഹം കത്തിച്ചുകളയാന്‍ നിര്‍ദ്ദേശം നല്‍കിയ പോലീസ് ഉദേ്യാഗസ്ഥനെ കുറിച്ചും സര്‍ക്കാര്‍ അനേ്വഷണം കര്‍ശനമാക്കുന്നുണ്ട്. അതിനിടെ ജിഷ വധക്കേസില്‍ പ്രതികളാക്കാന്‍ രണ്ടു പോലീസുകാരെ വേഷം കെട്ടിച്ചത് മാധ്യമങ്ങളില്‍ വന്നതോടെ അതും നാണക്കേടായി തീര്‍ന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha