കേരളത്തില്‍ 71 സീറ്റ് നേടുന്നതിനാണ് ശ്രമിക്കുന്നതെന്ന് ബിജെപി ദേശീയ അധ്യക്ഷന്‍ അമിത് ഷാ. യുഡിഎഫും എല്‍ഡിഎഫും വികസനത്തെ തടസപ്പെടുത്തുന്നവരാണ്. സിപിഎമ്മിന്റെ അക്രമ രാഷ്ട്രീയത്തിനെതിരായ വിധിയെഴുത്താവണം ഈ തെരഞ്ഞെടുപ്പ്. ബംഗാളില്‍ ഒന്നിക്കുന്നവര്‍ കേരളത്തില്‍ പോരടിക്കുന്നതിന്റെ പൊള്ളത്തരം ജനം തിരിച്ചറിയണമെന്നും റാന്നിയില്‍ തെരഞ്ഞെടുപ്പ് പ്രചാരണയോഗത്തില്‍ പ്രസംഗിക്കവെ അദ്ദേഹം പറഞ്ഞു.

അതേസമയം, കേരളത്തില്‍ ദലിത് വനിതകള്‍ക്കെതിരെ നടക്കുന്ന അതിക്രമങ്ങളെക്കുറിച്ച് അന്വേഷിക്കാന്‍ മൂന്നംഗ സമിതിയെ അമിത് ഷാ നിയമിച്ചു. എംപിമാരായ മീനാക്ഷി ലേഖി, അര്‍ജ്ജുന്റാം അഗര്‍വാള്‍, ഉദിത് രാജ് എന്നിവരാണ് സമിതി അംഗങ്ങള്‍. ഇവര്‍ ഏഴാം തീയതി മുതല്‍ മൂന്ന് ദിവസം കേരളത്തില്‍ പെരുമ്പാവൂരും വര്‍ക്കലയും അടക്കമുള്ള സ്ഥലങ്ങള്‍ സന്ദര്‍ശിക്കും.

പെരുമ്പാവൂര്‍ സംഭവം തെളിയിക്കുന്നത് കേരളത്തില്‍ ക്രമസമാധാനനില പാടെ തകര്‍ന്നിരിക്കുന്നുവെന്നാണെന്ന് ബിജെപി ആരോപിച്ചു. കേരളത്തില്‍ ദലിത് സമൂഹം ഭയപ്പെട്ടിരിക്കുകയാണെന്നും ഇവര്‍ക്ക് ഭയരഹിതമായി വോട്ടുചെയ്യുന്നതിന് കൂടുതല്‍ അര്‍ധസൈനിക വിഭാഗത്തെ കേരളത്തിലേക്കയക്കണമെന്നും കേന്ദ്ര മന്ത്രി ജെ.പി.നഡ്ഡയുടെ നേതൃതത്തിലുള്ള സംഘം കേന്ദ്ര തെരഞ്ഞെടുപ്പു കമ്മീഷനോടാവശ്യപ്പെട്ടു. വിഷയത്തില്‍ കോണ്‍ഗ്രസും സിപിഎമ്മും ഒത്തുകളിക്കുകയാണെന്നും തെരഞ്ഞെടുപ്പുകമ്മീഷനെ കണ്ടശേഷം ജെ.പി.നഡ്ഡ ആരോപിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha