ഒരുകുടുംബത്തിലെ അഞ്ചുകുട്ടികള് മുങ്ങിമരിച്ചു
ഒരു കുടുംബത്തിലെ അഞ്ചുകുട്ടികള് മുങ്ങിമരിച്ചു. കണ്ണൂര് പടിയൂര്കല്യാട് പഞ്ചായത്തിലെ ചമതച്ചാലില് പുഴയില് കണിയാര്കടവില് കുളിക്കാനിറങ്ങിയ കുട്ടികളാണ് അപകടത്തില്പെട്ടത്. ഇന്നലെ ഉച്ചകഴിഞ്ഞു മൂന്നുമണിയോടെയായിരുന്നു സംഭവം.
ചമതച്ചാല് ആക്കാപറമ്പില് സലിജന്ഷീജ ദമ്പതികളുടെ മക്കളായ ഒരിജ (13), സെഫാന് (ഏഴ്), സലിജന്റെ സഹോദരന് ബിനോയ്മിനി ദമ്പതികളുടെ മകന് മാനിക് (13), സലിജന്റെ സഹോദരി അനിതകുറ്റിക്കാട്ടില് ജോസ് ദമ്പതികളുടെ മക്കളായ അഖില് (15), ആയല് (12) എന്നിവരാണു മരിച്ചത്. സലിജന്റെ മറ്റൊരു സഹോദരി മനോജയുടെ മകന് അതുല് (14) ഇവര്ക്കൊപ്പം ഉണ്ടായിരുന്നെങ്കിലും പുഴയില് ഇറങ്ങിയിരുന്നില്ല.വീടിനു സമീപത്തെ ഊട്ടുനേര്ച്ചയില് പങ്കെടുത്ത കുട്ടികള് തിരികെ വീട്ടിലെത്തിയശേഷം കളിക്കാനായി പുഴയിലേക്കു പോകുകയായിരുന്നു. സെഫാന് ആണ് ആദ്യം കയത്തില്പ്പെട്ടത്. സെഫാനെ രക്ഷിക്കാനുള്ള ശ്രമത്തില് മറ്റുള്ളവരും അപകടത്തില്പ്പെടുകയായിരുന്നു.
കരയ്ക്കുനിന്നിരുന്ന അതുലിന്റെ നിലവിളി കേട്ട് ഓടിയെത്തിയ നാട്ടുകാരാണു രക്ഷാപ്രവര്ത്തനം നടത്തിയത്. കയത്തില്നിന്ന് അഞ്ചുപേരെയും നാട്ടുകാര്തന്നെ മുങ്ങിയെടുത്തു. ഉടന് പയ്ായവൂരിലെ സ്വകാര്യ ആശുപത്രിയില് എത്തിച്ചെങ്കിലും അഞ്ചുകുട്ടികളുടെയും മരണം സംഭവിച്ചിരുന്നു.
മരിച്ച ഒരിജ പയ്യാവൂര് സെന്റ് ആന്സ് സ്കൂളിലെ ഏഴാംക്ലാസ് വിദ്യാര്ഥിയും സഹോദരന് സെഫാന് ഇതേ സ്കൂളിലെ രണ്ടാംക്ലാസ് വിദ്യാര്ഥിയുമാണ്. മാനികും ആയലും പയ്യാവൂര് സേക്രഡ് ഹാര്ട്ട് ഹയര് സെക്കന്ഡറി സ്കൂളിലെ ഏഴാം ക്ലാസ് വിദ്യാര്ഥികളും
അഖില് ഇതേ സ്കൂളിലെ പത്താംക്ലാസ് വിദ്യാര്ഥിയുമാണ്. മൃതദേഹങ്ങള് പരിയാരം മെഡിക്കല് കോളജ് മോര്ച്ചറിയില്. അഞ്ചുപേരുടെയും സംസ്കാരം തിങ്കളാഴ്ച തിരൂര് ഫ്രാന്സിസ് അസീസി പള്ളിയില് നടക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
