മണിയുടെ മരണത്തിനു കാരണമായത് വിഷം കലര്‍ന്ന മദ്യമാണെന്ന് പുറത്തു വന്നതോടെ സുഹൃത്തും സഹപ്രവര്‍ത്തകരും ആയിരുന്നവര്‍ സംശയത്തിന്റെ നിഴലില്‍. മണിയുടെ ശരീരത്തില്‍ വിഷമദ്യം ഉണ്ടായിരുന്നതായാണ് കഴിഞ്ഞ ദിവസം ഹൈദരാബാദില്‍ നിന്നുള്ള ടെസ്റ്റ് റിസള്‍ട്ടില്‍ പറഞ്ഞിരിക്കുന്നത്. കലഭാവന്‍ മണി മരിച്ച ദിവസം പാടിയില്‍ ഉണ്ടായിരുന്ന ജാഫര്‍ ഇടുക്കിയും തരികിട സാബുവുമാണ് സംശയത്തിന്റെ നിഴലില്‍ ആയിരിക്കുന്നത്. മണി മരിക്കുന്നതിനു മുന്‍പ് ഇവര്‍ ഒരുമിച്ച് ഉണ്ടായിരുന്നതാണ്. 

കലാഭവന്‍ മണി ആശുപത്രിയില്‍ ആകുന്നതിന്റെ തലേദിവസം പാടിയില്‍ വന്ന ആരോ ആയിരിക്കാം വിഷമദ്യം കൊണ്ടുവന്നതെന്ന് മണിയുടെ സഹോദരന്‍ ആര്‍എല്‍വി രാമകൃഷ്ണന്‍ പറയുന്നു. അന്ന് അവിടെ വന്ന ആരെങ്കിലും കൊണ്ടുവന്നതാകാം വിഷമദ്യം. ഇതു തെളിയാതിരിക്കാന്‍ വേണ്ടിയാകാം തിടുക്കപ്പെട്ട് പാടി വൃത്തിയാക്കിയത് ആര്‍എല്‍വി രാമകൃഷ്ണന്‍ പറയുന്നു.
പാടിയില്‍ ഒരു നാലുകെട്ട് പണിയാന്‍ മണിച്ചേട്ടന്‍ ആഗ്രഹിച്ചിരുന്നു. അതിനുവേണ്ടി തൊട്ടടുത്ത സ്ഥലം വിലയ്ക്കു വാങ്ങാന്‍ ഒരുങ്ങുകയായിരുന്നു മണി. ഇതിനായി കടം കൊടുത്തവരില്‍ നിന്ന് മണി പണം തിരികെ ചോദിച്ചിരുന്നു. ഈ സാമ്പത്തിക ഇടപാടുകളാകാം മണിയുടെ മരണത്തിലേക്ക് നയിച്ചത്.ഇക്കാര്യം കുടുംബങ്ങള്‍ നേരത്തെ തന്നെ ഉന്നയിച്ചിട്ടുള്ളതാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

 https://www.facebook.com/Malayalivartha